Mbikëqyrja

REGJISTROHUNI TANI

Përshkrimi i kursit

Ky kurs trajnimi thekson rolin e mbikëqyrësit në përmbushjen e misionit dhe objektivave të shoqërive ujësjellës  kanalizime. Kursi fokusohet tek aftësitë dhe njohuritë që duhet të ketë një mbikëqyrës mbi planifikimin, koordinimin dhe motivimin e punonjësve me qëllim që çdokush të punojë me efektivitet për përmbushjen e objektivave. Qëllimi kryesor i këtij kursi është që t’i pajisë pjësëmarrësit me njohuri dhe teknika të vlefshme mbikëqyrje për të përmirësuar performancën e shoqërive ujësjëllës kanalizime.

Kush duhet të marrë pjesë

Ky kurs është hartuar për profesionistët e shoqërive ujësjellës kanalizime dhe është veçanërisht i vlefshëm për drejtuesit e departamentit të burimeve njerëzore, drejtuesit e departamentit të marrëdhënieve me publikun si dhe përgjegjësit e departamenteve.

Objektivat e kursit të trajnimit

Në fund të këtij kursi trajnimi, ju do të jeni të aftë të:

• Identifikoni dhe përvetësoni aftësitë kryesore të një supervizori;
• Hartoni një plan të burimeve njerëzore;
• Motivoni dhe drejtoni punonjësit tuaj;
• Koordinoni punën e ekipit tuaj;
• Njihni përparësitë e punës në grup; Komunikoni në mënyrë efektive qëllimet, pritshmëritë dhe udhëzimet për vartësit tuaj;
• Delegoni detyrat me qëllim përmirësimin e performancës së njësisë që drejtoni;
• Zgjidhni dhe përdorni një stil efektiv menaxhimi;
• Përdorni teknika të ndryshme për të zgjidhur mosmarrëveshjet;
• Përdorni strategji për të menaxhuar me mirë kohën tuaj.

Metoda e trajnimit

Trajnimi është i bazuar në leksione të prezantuara në PowerPoint, të ndërthurura me diskutime dhe raste studimore. Përveç marrjes së leksioneve  dhe diskutimeve, pjesëmarrësit do të analizojnë edhe raste konkrete studimore.

Materialet e kursit të trajnimit

Pjesëmarrësit në këtë kurs trajnimi, do të pajisen me Manualin e Trajnimit “Mbikëqyrja”. Përpos kësaj, pjesëmarrësit do të pajisen me certificatë.

Tarifa e regjistrimit

Anëtarët e SHUKALB/SHUKOS: 22,000 lekë për person

Jo-anëtarët: 25,000 lekë për person.

Kjo tarifë përfshin materialet e kursit, drekat, dhe pushimet për kafe.

SHKARKONI BROSHURËN