PARATRAJTIMI & KONTROLLI I SHIJES DHE I ERËS

REGJISTROHUNI TANI

Përshkrimi i kursit

Njohja e procesit të trajtimit paraprak është e rëndësishme sepse parandalon dëmtimin e pajisjeve dhe rrit jetëgjatësinë e funksionimit të pajisjeve të tjera në  impiant. Për më tepër, nëpermjet kontrollit të shijes dhe erës, operatorët e shoqërive UK mund të shmangin ankesat nga konsumatorët lidhur me cilësinë e ujit. Ky kurs fokusohet në rëndësinë e trajtimit paraprak dhe zgjerohet në tre proceset që ndodhin brenda tij. Gjithashtu shpjegon në mënyrë të qartë rëndësinë e kontrollit të shijes dhe të erërave, si dhe identifikon shkaqet dhe burimet e tyre.

Kush duhet të marrë pjesë

Ky trajnim është hartuar për profesionistët e shoqërive ujësjellës kanalizime dhe është veçanërisht i vlefshëm për inxhinierët dhe specialist që punojnë në impiantet e trajtimit të ujit të pijshëm.

Objektivat e kursit të trajnimit

Në fund të këtij kursi trajnimi, ju do të jeni të aftë të:

• Identifikoni tre proceset e trajtimit paraprak;
• Rendisni procedurat e inspektimit dhe pastrimit që nevojiten për mirëmbajtjen e grilave;
• Identifikoni llojet e sistemeve të parasedimentimit dhe t’i shpjegoni ato;
• Operoni dhe mirëmbani sistemin e para-sedimentimit;
• Identifikoni qëllimin e procesit të mikrofiltrimit dhe të njihni elementët e tij;
• Rendisni avantazhet dhe disavantazhet e mikrofiltrimit;
• Shpjegoni rëndësinë e kontrollit për shijen dhe erën;
• Identifikoni shkaqet e shijes dhe të erës;
• Parandaloni zhvillimin e shijeve dhe të erërave me anë të programeve të monitorimit.

Metoda e trajnimit

Trajnimi është i bazuar në leksione të prezantuara në Power Point, të ndërthurura me diskutime dhe raste studimore. Përveç marrjes së leksioneve dhe diskutimeve, pjesëmarrësit do të analizojnë edhe raste konkrete studimore.

Materialet e kursit të trajnimit

Si pjesëmarrës në këtë kurs, ju do të pajiseni me Manualin e Trajnimit “Paratrajtimi & Kontrolli i Shijes dhe i Erës”. Përpos kësaj, ju do të pajiseni me çertifikatë e cila dëshmon pjesëmarrjen tuaj në këtë trajnim.

Tarifa e regjistrimit

Anëtarët e SHUKALB/SHUKOS: 22,000 lekë për person

Jo-anëtarët: 25,000 lekë për person

Kjo tarifë përfshin materialet e kursit, drekat, dhe pushimet për kafe.

SHKARKONI BROSHURËN