MENAXHIMI I ASETEVE

REGJISTROHUNI TANI

Përshkrimi i kursit

Shumë menaxherë të shoqërive ujësjellës kanalizime sot përballen me sfiden e reduktimit të ujit pa të ardhura, ndërkohë që duhet të rrisin nivelin e shërbimit, zgjerojnë rrjetin shpërndarës për t’u përgjigjur rritjes së popullsisë, të financojnë zëvendësimin dhe mirëmbajtjen në kohë të aseteve ekzistuese, si dhe të trajtojnë ujin e ndotur. Mënyra së si një shoqëri ujësjellës kanalizime menaxhon asetet përcakton suksesin në adresimin e këtyre sfidave.Një shoqëri mund të përmirësojë nivelin e shërbimit, të zvogëlojë humbjet e ujit, të reduktojë kostot si dhe të justifikojë tarifat nëse edi se çfarë asetesh zotëron dhe çfarë asetesh i nevojiten, kur dhe si t’i mirëmbajë ose zëvendësojë ato, dhe si mund t’i operojë ato.Ky kurs trajnimi trajton të gjithë elementët bazë për menaxhimin e aseteve me qëllim kryesor rritjen e ndërgjegjësimit për rëndësinë e menaxhimit të aktiveve.

Kush duhet të marrë pjesë

Ky kurs është hartuar për profesionistët e shoqërive ujësjellës kanalizime dhe është veçanërisht i vlefshëm për drejtorët e shoqërive ujësjellës kanalizime, kryeinxhinierët dhe inxhinierët, kryefinancierët dhe menaxherët.

Objektivat e kursit të trajnimit

Në fund të këtij kursi trajnimi, ju do të jeni të aftë të:

• Njihni  konceptin e menaxhimit të aseteve dhe elementët kryesor të tij;
• Kuptoni rëndësinë e menaxhimit të aseteve;
• Hartoni inventarin e aseteve të shoqërisë suaj;
• Përdorni sisteme të ndryshme renditje për të vlerësuar gjendjen e aseteve;
• Njihni çfarë është një sistem i menaxhimit të aseteve dhe qëllimet e tij;
• Përcaktoni nivelin e shërbimit që shoqëria duhet të sigurojë si dhe mënyrën më efikasë për ta ofruar atë;
• Përcaktoni asetet kritike si dhe të identifikoni kostot e mundshme të dëmtimit të tyre;
• Identifikoni procedurat e përshtatshme të operimit dhe mirëmbajtjes;
• Njiheni me konceptet e menaxhimit të kostove përgjatë gjithë ciklit të jetës së aseteve;
• Identifikoni burimet financiare për financimin e programit të menaxhimit të aseteve.

Metoda e trajnimit

Trajnimi është i bazuar në leksione të prezantuara në Power Point, të ndërthurura me diskutime dhe raste studimore. Përveç marrjes së leksioneve dhe diskutimeve, pjesëmarrësit do të analizojnë edhe raste konkrete studimore.

Materialet e kursit të trajnimit

Pjesëmarrësit në këtë kurs trajnimi, do të pajisen me Manualin e Trajnimit “Menaxhimi i Aseteve”. Përpos kësaj, pjesëmarrësit do të pajisen me certificatë.

Tarifa e regjistrimit

Anëtarët e SHUKALB/SHUKOS: 13,000 lekë për person

Jo-anëtarët: 16,000 lekë për person

Kjo tarifë përfshin materialet e kursit, drekat, dhe pushimet për kafe.

SHKARKONI BROSHURËN