MATEMATIKA E PËRGJITHSHME PËR PROFESIONISTËT E FURNIZIMIT ME UJË DHE KANALIZIME

REGJISTROHUNI TANI

Përshkrimi i kursit

Aftësia për të kryer llogaritje matematikore është domosdoshmëri për operimin dhe mirëmbajtjen e sistemeve të furnizimit me ujë dhe kanalizime. Ky kurs  përmbledh njohuritë  themelore matematikore që duhet të zotërohen nga operatorët dhe teknikët që punojnë në sektorin e ujit, për të realizuar  në  mënyrë efektive punën e tyre të përditshme.Veprimet bazë aritmetike, konvertimi i njësive, zgjidhja e ekuacioneve, gjetja e vlerës së panjohur, përllogaritja e perimetrit, sipërfaqes, vëllimit, shpejtësisë, prurjes, presionit të ujit, si dhe koncepti i balances së masës, janë disa nga tematikat kryesore që trajtohen në këtë kurs trajnimi.

Kush duhet të marrë pjesë

Ky kurs është hartuar për profesionistët e shoqërive ujësjellës kanalizime dhe është veçanërisht i vlefshëm për brigadierët, hidraulikët dhe operatorët   e   sektorit të furnizimit me ujë dhe kanalizime.

Objektivat e kursit të trajnimit

Në fund të këtij kursi trajnimi, ju do të jeni të aftë të:

• Përdorni gjuhën, simbolet dhe nocionet matematikore;
• Konvertoni njësitë matëse;
• Zhvilloni strategji për zgjidhjen e problemave;
• Zgjidhni problemat dhe gjeni ndryshoret e panjohura brenda formulës
• Llogaritni perimetrin, sipërfaqen dhe vëllimin e objekteve;
• Konvertoni presionin nga bar në lartësi vertikale të ujit në metra;
• Llogaritni fuqinë dhe efiçencën e pompave;
• Llogaritni shpejtësinë dhe prurjen e ujit;
• Llogaritni dozat e kimikateve;
• Kryeni llogaritjet e mostrave të përbëra;

Metoda e trajnimit

Trajnimi është i bazuar në leksione të prezantuara në PowerPoint, të ndërthurura me diskutime. Përveç marrjes së leksioneve dhe diskutimeve, pjesëmarrësit do të analizojnë edhe raste konkrete studimore.

Materialet e kursit të trajnimit

Pjesëmarrësit në këtë kurs trajnimi, do të pajisen me Manualin e Trajnimit “Matematika e Përgjithshme për  Profesionistët e Furnizimit me Ujë dhe Kanalizime”. Përpos kësaj, pjesëmarrësit do të pajisen me certificatë.

Tarifa e regjistrimit

Anëtarët e SHUKALB/SHUKOS: 13,000 lekë për person

Jo-anëtarët: 16,000 lekë për person

Kjo tarifë përfshin materialet e kursit, drekat, dhe pushimet për kafe.

SHKARKONI BROSHURËN