Elisabeta Poçi, Drejtore Ekzekutive e SHUKALB emërohet Anëtare e Bordit të Drejtorëve të Shoqatës Ndërkombëtare të Ujit (IWA)

SHUKALB është krenar të sjellë në vëmendjen e lexuesve të Burimit se Drejtorja jonë Ekzekutive, Elisabeta Poçi, është emëruar si anëtare e Bordit të Drejtorëve të Shoqatës Ndërkombëtare të Ujit (IWA). Emërimi u miratua gjatë Mbledhjes së Asamblesë Drejtuese të IWA në Kopenhagë, Danimarkë, që u mbajt përpara Kongresit dhe Ekspozitës Botërore të Ujit të IWA-së organizuar më 11-15 shtator 2022.  Znj. Poçi do të shërbejë në Bord për periudhën 2022-2024.

SHUKALB është anëtar i IWA-së që nga viti 2010 dhe që prej vitit 2015 është anëtar i Bordit Qeverisës të IWA-së.

Siç u shpreh znj. Poçi: “Pres në vijimësi të kontribuoj në Bord me perspektivën time nga Ballkani Perëndimor dhe rajoni më i gjerë i Danubit, dhe të punoj ngushtë me Presidentin dhe anëtarët e tjerë të Bordit në avancimin e misionit të madh të IWA-së!