SHKËMBIMI I EKSPERIENCAVE MES KOLEGËVE PËR ‘’PROJEKTET E SUKSESSHME TË INFRASTRUKTURËS SË KANALIZIMEVE DHE TRAJTIMIT TË UJIT TË NDOTUR’’

ÇFARË DO TË MËSONI?

Temat kryesore të shkëmbimit të eksperiencave mes kolegëve:
Faza përgatitore e projekteve infrastrukturore (teknologjitë e mundshme për trajtimin e ujit të ndotur dhe kriteret e përzgjedhjes së tyre, kërkesat e institucioneve financiare ndërkombëtare për aprovimin e huave/projekteve të financueshme, studimi i fizibilitetit dhe plani i investimeve prioritare – rëndësia e përfshirjes aktive të shoqërive në proces, tenderimi, kontraktimi dhe kërkesat e institucioneve financiare, roli i njësisë për zbatimin  e projektit, organizimi i fushatave të ndërgjegjësimit për projekte të shërbimit dhe infrastrukturës së kanalizimeve.

Faza e zbatimit të projekteve infrastrukturore (kërkesat kryesore për përzgjedhjen e konsulentit të përshtatshëm, dokumentacioni kryesor i projektit – projektimi paraprak, konceptual, përfshirë edhe dokumentet e nevojshme të tenderit, lejet – sfidat që lidhen veçanërisht me kohëzgjatjen e miratimit të lejeve, procedurat e tenderit dhe të kontraktimit librat FIDIC).

Faza e operimit dhe mirëmbajtjes së projekteve infrastrukturore (optimizimi i personelit, trajnimi i stafit, cilësia e ujit – laboratori, matjet e nevojshme, procedurat për zgjidhjen e problemeve, menaxhimi i llumit, optimizimi i elementëve të konsumit si energjia elektrike, kimikatet, pajtueshmëria me rregulloret, parandalimi i aksidenteve).

KË DO TË TAKONI?

Grupi i synuar: Vendimmarrësit bashkiakë: (1) Këshilltarët bashkiakë, anëtarët e këshillit të administrimit të shoqërive ujësjellës kanalizime; (2) Kryetarët e bashkive; (3) Sekretarët e përgjithshëm; (4) Drejtuesit e departamenteve të financës dhe shërbimeve vendore dhe investimeve; (5) Anëtarët e njësive të zbatimit të projektit/ Ekipet e zbatimit të projektit. Drejtuesit e shoqërive ujësjellës kanalizime: (1) Administratori; (2) Drejtori teknik; (3) Drejtori tregtar dhe i financës (4) Anëtarët e njësive të zbatimit të projektit/ Ekipet e zbatimit të projektit. (3) Stafi operacional i impianteve të trajtimit të ujërave të ndotura
(ITUN) të shoqërive ujësjellës kanalizime.

METODOLOGJIA E SHKËMBIMIT TË EKSPERIENCAVE MES KOLEGËVE

Shkëmbimi i eksperiencave mes kolegëve përfshin: (1) Të dhëna të përshtatura, (2) Praktika të mira, (3) Shkëmbim zyrtar dhe të strukturuar ndërmjet kolegësh (4) Vizitë në terren në një impiant për trajtimin e ujërave të ndotura (ITUN), (5) Diskutime për reagimet pas vizitës në terren dhe zhvillimi i planit të veprimit.

KOHËZGJATJA E SHKËMBIMIT TË EKSPERIENCAVE MES KOLEGËVE

Një ditë (event kombëtar)
Dy ditë (event rajonal)

CILAT JANË PËRFITIMET TUAJA?

• Njohuri të përmirësuar të pjesëmarrësve për përgatitjen, zbatimin e projekteve të infrastrukturës së kanalizimeve dhe trajtimit të ujit të ndotur si dhe operimin dhe mirëmbajtjen e tyre.
  
• Mbledhja e informacionit dhe shkëmbimi i eksperiencave mbi projektet e infrastrukturës së kanalizimeve dhe trajtimit të ujit të ndotur me kolegët nga vendi dhe rajoni.
  
• Njohuri të zgjeruara të projekteve, rasteve studimore në fushën e kanalizimeve dhe trajtimit të ujit të ndotur.
  

ÇFARË OFROJMË?

RCDN ofron:

• Produkte të zhvillimit të kapaciteteve me cilësi të lartë që i përgjigjen nevojave dhe kërkesës së palëve kryesore të interesit në sektorin ujësjellës kanalizime në Evropën Jug-Lindore.
• Trajnerë të shkëlqyeshëm kombëtarë dhe rajonalë dhe ekspertë të fushës me aftësi të përgjithshme si dhe njohuri dhe përvojë specifike.
  
• Module trajnimi të zhvilluara mbi një vlerësim paraprak dhe analizë të hollësishme.
  
• Shkëmbime të eksperiencave mes kolegëve që mundësojnë mësimin nga njëri-tjetri në kontekste të ndryshme.
  
• Materiale trajnimi të punuara mirë dhe sesione interaktive

Oferta RCDN-së përfshin:

KUSH JEMI NE?

RCDN synon të rrisë efikasitetin dhe efiçencën e Shoqërive Ujësjellës Kanalizime në Evropën Juglindore, duke kontribuar në ofrimin e shërbimeve më të mira për një numër më të madh të grupeve të popullsisë, të kenë akses në shërbimet e furnizimit me ujë të pijshëm dhe kanalizime,
dhe në përputhje me Acquis Communautaire mjedisor të BE-së.

Për të arritur këtë, RCDN fokusohet kryesisht në tre fusha kyçe: 1) Zhvillimi i shoqatës, 2) Oferta për zhvillimin e kapaciteteve dhe dhënia e saj, dhe 3) Partneriteti dhe mundësimi i mjedisit për zhvillimin e kapaciteteve.

RCDN është partner i 16 shoqatave kombëtare (Shoqatat e Bashkive dhe Shoqatat e Shoqërive Ujësjellës Kanalizime) në 6 vende të rajonit (Shqipëri, Bosnje-Herzegovinë, Kosovë, Maqedonia e Veriut, Mal i Zi dhe Serbi). Përfituesit final janë menaxherët kryesorë dhe të mesëm nga bashkitë dhe shoqëritë ujësjellës kanalizime në rajon dhe zyrtarët përgjegjës në institucionet qëndrore. Projekti i cili mbështet Rrjetin menaxhohet nga GIZ, në emër të SECO në Zvicër dhe BMZ në Gjermani dhe zbatohet nga një Ekip i Implementimit të Projektit që përbëhet nga tre rrjeterajonale IAWD, Rrjeti AQUASAN në Bosnje-Herzegovinë dhe NALAS.

Si të aplikoni?

Nëse dëshironi të jeni pjesë e shkëmbimit të eksperiencave, ju lutemi na kontaktoni me e-mail ose telefon:
Person Kontakti: Jonida Ahmeti, jonida.ahmeti@shukalb.al; 04 2245 101.
Për më shumë informacione, vizitoni faqen web: www.shukalb.al

Download the Factsheet