SHUKALB organizon workshopin 4-t të Projektit “Shërbimet Këshillimore për Menaxhimin e Aseteve për Shoqëritë Ujësjellës Kanalizime në Evropën Juglindore

Më 5 korrik 2021, SHUKALB dhe Shoqata e e Ujësjellësve dhe Kanalizimit të Kosovës (SHUKOS) organizuan online workshopin e 4-t të Projektit “Shërbimet Këshillimore për Menaxhimin e Aseteve për Shoqëritë Ujësjellës Kanalizime në Evropën Juglindore”, organizuar për shoqëritë ujësjellës kanalizime (UK) në Shqipëri dhe Kosovë.

Workshopi u organizua bashkarisht me Deutsche Gesellchaft fur Internationale Zusammenarbeit (GIZ), Hydro-Comp Enterprise HCE, Qipro dhe Shoqata Ndërkombëtare e Kompanive Ujësjellës Kanalizime në Zonën e Mbulimit të Lumit Danub (IAWD).

Qëllimi i workshopit ishte prezantimi i statusit dhe progresit të shoqërive UK gjatë vitit të dytë të zbatimit të projektit, prezantimi i fazave të ardhshme dhe fillimi i fazës Platin, e cila do të zbatohet këtë vit për herë të parë në Shqipëri dhe Kosovë.

Në workshop morën pjesë menaxherë dhe stafi i shoqërive UK nga Shqipëria dhe Kosova, përfaqësues nga institucionet e qeverisë qendrore si Ministria e Ekonomisë në Kosovë, Enti Rregullator i Ujit në Shqipëri dhe Kosovë, përfaqësues nga qeverisja lokale, donatorë dhe Insititucionet Financiare Ndërkombëtare, si dhe palë të tjera interesi nga të dy vendet.

Workshopi nisi me fjalimet përshëndetëse nga Petrit Tare, President i SHUKALB; Sokol Xhafa, Drejtor i Përgjithshëm, Kompania Rajonale e Ujësjellësit Prishtinë; Leonat Muskollari, GIZ; Philip Weller, Drejtues i Sekretariatit Teknik, IAWD dhe Petros Kolovopoulos, Menaxher Ekzekutiv, HCE.

Workshopi u moderua bashkërisht nga Arbana Kola, Menaxhere Projekti, Menaxhimi i Aseteve në Shoqëritë Ujësjellës Kanalizime në Shqipëri, SHUKALB dhe Erdonita Humolli, Asistente për Programe dhe Projekte / Administratore e HUB-it MIA, SHUKOS.

Gjatë workshopit u prezantuan rezultatet e përgjithshme të projektit në Ballkanin Perëndimor dhe aktivitetet e radhës për Fazën e Artë dhe Platin (Korrik 2021 – Qershor 2022) në Kosovë dhe Shqipëri nga Georgi Hristov, Menaxher i Projektit, GIZ ORF MMS, pasuar nga prezantimet e HUB-eve përkatëse mbi statusin e shoqërive UK pjesëmarrëse, vazhdimin e projektit dhe zbatimin teknik në Shqipëri dhe Kosovë.

Petros Kolovopulos, Menaxher Ekzekutiv, HCE, prezantoi një përmbledhje të vitit të dytë të projektit, Fazat e Artë dhe Platin të përditësuara, aktivitetet dhe drejtimin e ardhshëm.

Në fund, pjesëmarrësit u përfshinë në një diskutim të hapur mbi gatishmërinë e tyre për të kaluar në fazën tjetër, pritshmëritë për vitin e tretë të projektit dhe përshtypjet e tyre të përgjithshme mbi rezultatet dhe arritjet e deritanishme.