SHUKALB organizon trajnim mbi Sistemin Bazë të Menaxhimit të Mirëmbatjes në kuadër të projektit “Menaxhimi i Aseteve në Shoqëritë Ujësjellës Kanalizme të Shqipërisë

Më 23 dhe 24 Shtator 2021, SHUKALB organizoi trajnimin mbi Sistemin Bazë të Menaxhimit të Mirëmbatjes për shoqëritë UK që ndjekin fazën e dytë të projektit “Menaxhimi i Aseteve në Shoqëritë Ujësjellës Kanalizime të Shqipërisë”.

Në workshop morën pjesë përfaqësues nga 7 shoqëri UK në Shqipëri si Lushnjë, Kukës, Kamëz, Krujë, Maliq, Pogradec dhe Gjirokastër. Trajnimi u drejtua nga Belina Belortaja, Konsulente e Analizës së të Dhënave në GIS dhe Elton Hasanaj, Inxhinier i Sistemit EDAMS, të dy ekspertë të projektit.

Gjatë dy ditëve të trajnimit, pjesëmarrësit u prezantuan me sistemin EDAMS për Menaxhimin e Mirëmbajtjes dhe kishin mundësinë të praktikoheshin dhe të punonin me të. Ata krijuan dhe përfunduan një urdhër pune dhe regjistruan një ankesë klienti. Për më tepër, një shpjegim i shkurtër mbi mbledhjen dhe përfundimin e të dhënave u bë nga trajnerët, në mënyrë që shoqëritë UK të fillojnë me mbledhjen e të dhënave dhe të punojnë me programin në këtë fazë të projektit.

Pjesëmarrësit patën mundësinë të adresonin pyetje dhe të diskutonin për çështje të veçanta që lidhen me temën e menaxhimit të aseteve në shoqëritë UK dhe gjithashtu të ndanin përvojat me njëri tjetrin.