Tryezë e Rrumbullakët e Programit të Vlerësimit të Krahasuar për Shoqëritë Ujësjellës Kanalizime HUB-i Kosovë dhe Shqipëri

Në datë 4 nëntor 2021, pas përfundimit të ditës së dytë të Konferencës dhe Ekspozitës e 9-të të Përbashkët Ballkanike, SHUKOS, me mbështetjen e SHUKALB, organizoi një Tryezë të Rrumbullakët virtuale për Programin e Vlerësimit të Krahasuar (Benchmarking) për Shoqëritë Ujësjellës Kanalizime të HUB-it Kosovë dhe Shqipëri. Objektivi kryesor i tryezës ishte përmirësimi i performancës së Shoqërive UK duke bërë krahasime bazuar në standarde ndërkombëtare, vlerësimi dhe sigurimi i qëndrueshmërisë së sektorit.

Në takim morën pjesë përfaqësues të Shoqërive UK nga Shqipëria dhe Kosova, pjesëmarrës në Program, SHUKALB, SHUKOS, Shoqata Ndërkombëtare e Kompanive të Furnizimit me Ujë të Basenit të Lumit të Danubit (IAWD), Sekretariati Shtetëror Zviceran për Çështjet Ekonomike (SECO) në Kosovë, dhe Fondi Shqiptar i Zhvillimit.

SHUKALB u përfaqësua në takim nga Elisabeta Poçi, Drejtore Ekzekutive, e cila përshëndeti pjesëmarrësit, ku i falenderoi për ecurinë dhe avancimin e tyre në program, si dhe duke e vlerësuar programin Benchmarking si nga më të suksesshmit falë përkushtimit të kordinatorëve të HUB-it dhe të Shoqërive UK pjesëmarrëse.

Gjatë takimit u prezantuan rezultatet e arritura, si dhe sfidat e hasura gjatë vitit 2021. Koordinatorët e shoqërive UK pjesëmarrëse zhvilluan një diskutim të hapur i fokusuar në çështjet kryesore si:

• Krahasoni një sfidë më të mirë për ju duke bërë Benchmarking
• Si u përmirësuat ju dhe kompania juaj gjatë kësaj periudhe duke bërë Benchmarking
• Arsyeja për të vazhduar me Programin e Benchmarking

Koordinatorët theksuan rëndësinë e pjesëmarrjes në Programin Benchmarking, pasi u siguron atyre një mjet të fuqishëm që i ndihmon ata të identifikojnë çështjet e performancës dhe të trajtojnë më tej ato çështje dhe të përmirësojnë fushat specifike të performancës bazuar në standardet ndërkombëtare dhe shkëmbimin me kolegët e tyre. Gjithashtu, raportet e personalizuara të performancës të krijuara nga programi për çdo shoqëri ujësjellës kanalizime, shërbejnë si një burim i mirë i besueshëm i vlerësimit të shoqërive, gjatë vlerësimit të performancës së shoqërisë si pjesë e procesit të aplikimit për projekte pranë donatorëve/IFN të ndryshëm.