Regjistrimet në Programin e D-LeaP të Krahasimit të Standardizuar (Benchmarking) për Shoqëritë UK janë tashmë të hapura!

Krahasimi (benchmarking), mbledhja e treguesve të performancës dhe më pas krahasimi i performancës midis shoqërive UK me madhësi dhe kushte të ngjashme, është një mjet kryesor për të përmirësuar performancën e shoqërive UK.

SHUKALB dhe SHUKOS kanë ofruar së bashku Programin D-LeaP Benchmarking për shoqëritë ujësjellës kanalizime si në Shqipëri ashtu edhe në Kosovë që nga viti 2014 në kuadër të Partneritetit të Danubit (D-LeaP), me mbështetjen e Shoqatës Ndërkombëtare të Kompanive Ujësjellës Kanalizime në Zonën e Mbulimit të Lumit Danub (IAWD).

Programi i ndihmon shoqëritë në identifikimin e zonave ku përmirësimi i performancës është i nevojshëm, përmes angazhimit të ekipeve të vogla të shoqërisë sesa anëtarëve individual të personelit.

SHUKALB fton të gjitha shoqëritë UK të interesuara t’i bashkohen programit të Benchmarking. Shoqëritë pjesëmarrëse do të kenë mundësinë të fitojnë mbështetje praktike në analizimin dhe përmirësimin e performancës së shoqërisë, të mësojnë nga shoqëritë e tjera në sektor, të informohen vazhdimisht rreth mjeteve më të fundit për analizimin e performancës së shoqërisë uk dhe të përfitojnë nga krahasimi rajonal dhe global me shoqëritë dhe ekspertë të tjerë.

Për më shumë informacion mbi Programin, ju lutemi lexoni Fletëpalosjen.

Për t’u regjistruar në këtë program, ju lutemi plotësoni Formularin e Regjistrimit dhe dërgojeni me email në training@shukalb.al dhe nadire.vitija@shukos.org .

Afati i fundit për dërgimin e formularit të regjistrimit është 15 Prill 2022