Zhvillohet në Shqipëri moduli i Trajnimit për Menaxhimin e Shoqërive Ujësjellës Kanalizime “Menaxhimi i Energjisë dhe Efiçenca e Energjisë”

Trajnimi për Menaxhimin e Shoqërive Ujësjellës Kanalizime (UMT) është fjala më e fundit në përpjekjet për ndërtimin e kapaciteteve të Partneritetit të Danubit: Një kurrikulë dyvjeçare që u ofron profesionistëve në mes të karrierës një pamje tërësore të të gjitha aspekteve të menaxhimit të shoqërive UK të orientuara drejt së ardhmes. Klasa e vitit 2021 u mblodh javën e kaluar për t’u njohur më shumë mbi operimin e shoqërive UK me efiçencë energjetike.

Duke u mbështetur në programet e provuara të D-LeaP dhe duke bashkëpunuar me shoqëritë kryesore në Evropën Qendrore dhe Lindore, Trajnimi për Menaxhimin e shoqërive UK synon të pajisë menaxherët aktualë dhe të ardhshëm të sektorit të ujit me mjete dhe teknika për të mbështetur vendimmarrjen e tyre. Tetë module trajnimi gjatë dy viteve mbulojnë proceset dhe funksionet kryesore në një shoqërie UK. Kursi i parë i këtij programi filloi në vitin 2021 dhe nga data 16 maj deri më 20 maj, moduli i tij i trajnimit për Menaxhimin e Energjisë dhe Efiçiencës së Energjisë, i pesti nga tetë, u zhvillua në Tiranë dhe Korçë, Shqipëri.

15 pjesëmarrës ishin të pranishëm fizikisht në këtë event hibrid. Partneri i kompetencës së UMT, Econoler, mundësoi Albert Williams nga Afrika e Jugut, si trajner kryesor. Ai i drejtoi pjesëmarrësit përmes një skedule të ngjeshur që përfshinte menaxhimin e përgjithshëm të energjisë dhe bazat e efiçencës së energjisë, aspektet teknike të sistemeve të pompave, mbledhjen e të dhënave, metodat e matjes dhe softuerin, aplikacionet AI në optimizimin e energjisë, një rast biznesi për efiçencën e energjisë, një ushtrim praktik matjeje në Stacionin e pompimit të Fushë-Krujës dhe një vizitë në Shoqërinë UK Korçë në impiantin e saj të energjisë diellore.

Partnerët e kompetencës Siemens dhe Grid Metrics dhe Universiteti i Sofjes si partner akademik kontribuan me folës të ftuar.

Me këtë modul, Kursi i parë i Trajnimit për Menaxhimin e Shoqërive Ujësjellës Kanalizime ka kaluar pikën e pjesës së parë, një arritje që është fituar nga organizatorët, trajnerët dhe pjesëmarrësit në atë që ka qenë paksa e vështirë në një mjedis të prekur nga Covid-19.

Akoma më i vlefshëm është suksesi dhe, siç u shpreh një pjesëmarrës, “njohuritë që marrim në UMT ia vlen çdo përpjekje”.

Shënim: Artikulli i mësipërm është marrë nga Voice of the Danube, faqja e internetit e Shoqatës Ndërkombëtare të Kompanive të Furnizimit me Ujë të Basenit të lumit Danub.