HUKALB organizon me sukses Trajnimin e Avancuar të Fazës Platin në kuadër të Projektit “Shërbime Këshillimore për Menaxhimin e Aseteve për Kompanitë e Ujit në Evropën Juglindore”

Gjatë datave 1-3 qershor 2022, SHUKALB në bashkëpunim me Shoqatën e Ujësjellësve dhe Kanalizimit të Kosovës (SHUKOS) organizuan me sukses trajnimin 3-ditor të Fazës Platin lidhur me temën e Auditimit të Ujit, për Shoqëritë Ujësjellës Kanalizime (UK) në Shqipëri dhe Kompanitë Rajonale të Ujësjellësit në Kosovë. Trajnimi u organizua në Tiranë në kuadër të Projektit ” Shërbime Këshillimore për Menaxhimin e Aseteve për Kompanitë e Ujit në Evropën Juglindore”.

Në trajnim morën pjesë përfaqësues nga shoqëritë UK Korçë, Elbasan, Shkodër, Berat-Kuçovë, Gramsh dhe Cerrik, si dhe nga Kompanitë Rajonale të Ujësjellësit Prishtinë; Mitrovicë; Hidromorava”, Gjilan dhe “Hidrodrini”, Pejë.

Objektivi kryesor ishte trajnimi i pjesëmarrësve në Modulin e Avancuar të Bilancit të Ujit (Audit). Trajnimi u organizua në formatin hibrid, ku trajnerët nga Hydro-Comp Enterprise Company prezantuan online përmes platformës Microsoft Teams, ndërsa pjesëmarrësit nga Shqipëria dhe Kosova ishin mbledhur në të njëjtin vend, në Tiranë ne Hotel Hilton.

Gjatë trajnimit, pjesëmarrësit patën mundësinë të praktikojnë sistemin EDAMS dhe të ndërveprojnë me trajnerët, si dhe të mësojnë mbi elementët e avancuar të Auditimit të Ujit.