Projekti RCDN organizon në Tiranë Trajnimin specifik të Trajnerëve për Programin e Ujërave të Ndotura me temë “Hyrje në Sistemet e Kanalizimeve dhe Trajtimit të Ujërave të Ndotura për Menaxherët dhe Inxhinierët”

Në datat 7-10 Qershor 2022, Rrjeti Rajonal për Zhvillimin e Kapaciteteve për Shërbimet e Furnizimit me Ujë dhe Kanalizimeve (RCDN), organizoi në Tiranë Trajnimin specifik 3.5 ditor të Trajnerëve (ToT) për Programin e zhvillimit të kapaciteteve të Ujërave të Ndotura (UN) me temë “Hyrje në Sistemet e Kanalizimeve dhe Trajtimit të Ujërave të Ndotura për Menaxherët dhe Inxhinierët”.

Objektivi i përgjithshëm i trajnimit ishte rritja e kompetencës teknike dhe metodologjike të trajnerëve për të qenë në gjendje të ofrojnë Programin e RCDN të UN “Hyrje në Sistemet e Kanalizimeve dhe Trajtimit të Ujërave të Ndotura për Menaxherët dhe Inxhinierët”.

Në trajnim morën pjesë trajnerë nga NJQV-të dhe shoqatat e SHaUK-ve nga Shqipëria, Maqedonia e Veriut dhe Bosnja dhe Hercegovina, partnerë të RCDN-së. ToT specifike u moderua nga ekspertët e UNA Consulting, Bosnje dhe Hercegovinë.

Gjatë 3.5 ditëve të ToT specifike, trajnerët u kualifikuan për të interpretuar dhe përdorur materialet për ofrimin e të gjitha moduleve të trajnimit si, statusi i sektorit të ujërave të ndotura dhe kuadri ligjor dhe institucional i ujërave të ndotura në nivel kombëtar dhe vendor, sistemet e ndryshme të grumbullimit të ujërave të ndotura dhe sistemet e trajtimit me theks në aspektet teknike dhe rëndësinë së tyre.

Programi do të pilotohet në Shqipëri nga SHUKALB, gjatë periudhës shtator – nëntor 2022, dhe do t’u ofrohet menaxherëve dhe inxhinierëve të shoqërive ujësjellës kanalizime, NJQV-ve dhe qeverisë qendrore, të cilët janë duke përgatitur projekte infrastrukturore në fushën e kanalizimeve dhe trajtimit të ujërave të ndotura.