Qeveria Shqiptare dhe Agjencia Franceze për Zhvillim nënshkruajnë marrëveshjen për financimin e rrjetit të ujësjellësit të Durrësit

Gjatë muajit nëntor 2022, në ambientet e Kryeministrisë së Shqipërisë, Qeveria e Shqipërisë dhe Agjencia Franceze për Zhvillim (AFD) nënshkruan një marrëveshje e cila do të akordojë fonde me vlerë prej 61 milionë euro për investime në Shoqërinë Ujësjellës Kanalizime Durrës në rrjetin e saj të furnizimit me ujë. Marrëveshja u nënshkrua nga ministrja e Financave dhe Ekonomisë, Delina Ibrahimaj dhe Sekretarja Franceze e Shtetit për Evropën, Laurence Bonne, në prani të kryeministrit Edi Rama dhe ambasadores së Francës në Tiranë, Elisabeth Barsacq.

Nga shuma totale e fondit, 60 milionë euro janë kredi, ndërsa 1 milionë janë grante. Investimi përfshin 3 komponentë:

Komponenti 1: Rikonstruksion i rrjetit shpërndarës në qytet, i cili konsiston në:

• Rehabilitim të rrjeteve kryesore të ujësjellësit
• Ndërtim puseta kryesore dhe instalim saracineska zonale
• Rezervuar me volum 2000 m3
• Plan aksion per reduktimin e humbjeve administrative
• Plan aksion per reduktimin e humbjeve fizike

Komponenti 2: Rehabilitimi i sistemit të Fushë Kuqes, i cili konsiston në

• Monitorim i sistemit të puseve dhe mbrojta e tyre
• Rehabilitim i puseve dhe tubacioneve
• Rehabilitim i stacionit qendror dhe rezervuarit grumbullues të ujit
• Rehabilitim pjesor i tubacionit kryesor DN700
• Rehabilitim i depos së shuarjes së presionit
• Monitorim i linjës kryesore

Komponenti 3: Master plan rrjet kanalizimesh, i cili konsiston në:

• Përpilimin e Master Planit për Kanalizimet në të gjithë zonën e shërbimit UKD mbi projektet e kanalizimeve deri në 2040 si dhe asistencë teknike për organizimin e të gjtihë shërbimeve të UKD.

Implementimi i projektit të AFD-së sipas komponenteve përbërës të tij, do të bëjë të mundur:

• Sigurimin e furnizimit të vazhdueshëm 24 orë për zonën e qytetit
• Reduktimin e humbjeve teknike ne qytet
• Reduktimin e humbjeve teknike në tubacionin ekzistues DN 700 te Fushë Kuqes
• Reduktimin e ujit pa te ardhura
• Përmirësimin e shërbimit të kanalizimeve
• Organizimin dhe strukturimin e shoqërisë