Rifreskimi i të dhënave të konsumatorëve: Shoqëria Ujësjellës Kanalizime Himarë ka nisur në komunitet aksionin derë më derë

Rifreskimi i të dhënave të konsumatorëve: Shoqëria Ujësjellës Kanalizime Himarë ka nisur në komunitet aksionin derë më derë

Shoqëria Ujësjellës Kanalizime Himarë (UK Himarë) ka nisur një proces të rëndësishëm në kuadër të përmirësimit të Menaxhimit e Marrëdhënies më Klientin, me qëllim rritjen e performancës së  saj, mbështetur nga konsulenca insitucionale në kuadër të masave shoqëruese të Programit të Ujësjellësave Ruralë IV.

Në kuadër të punës të përditshme dhe me synimin e garantimit të standardit të lartë, UK Himarë nisi në Dhjetor 2022 zbatimin në terren të fushatës “Rifresko Të Dhënat –  Fatura e Ujit #UKHimarë”. Kjo shoqëri ofron shërbimet e saj në  fushën e furnizimit me ujë të pijshëm, largimin dhe trajimin e ujërave të ndotuara në 6,647 konsumatorë familjarë, privatë dhe publik të Bashkisë Himarë.

Ky aksion po shoqërohet nga një fushatë ndërgjegjësimi për konsumatorët, përmes mjeteve të komunimimit si postera në hapësirat publike të 3 njësive administrative të Bashkisë Himarë, postera në pikat e UK Himarë dhe ambjente publike, si dhe në mediat sociale Facebook dhe Instagram të shoqërisë UK Himarë.

UK Himarë ka nisur këtë proces për të mbështetur objektivin e forcimit të bashkëpunimit dhe transparencës me konsumatorët në zonat e shërbimit të saj të Bashkisë Himarë, si dhe shmangien e deklarimeve të pasakta.

Ekipet e terrenit të #UKHimarë janë derë më derë, në çdo zonë ku shoqëria ofron shërbimet e saj, për të mundësuar saktësimin e të dhënave të klientëve në faturën e ujit

Dokumentat që kërkohen nga ekipet e terrenit për rifreskimin e të dhënave në formularët e standardizuar janë: për konsumatorët familjarë: Kartë Identiteti dhe faturë uji  dhe për konsumatorët publik e privat: NIPT-in e subjektit dhe faturë uji

UK Himarë përmes fushatës ndërgjegjësuese bën thirrje klientëve të paraqiten direkt pranë zyrave dhe pikave të të tyre për të rifreskuar dhe saktësuar të dhënat e faturës së tyre, në rast se ata nuk do të jenë prezent gjatë kohës kur ekipet shkojnë pranë banesës/objektit/pronës së klientëve të tyre.

Kjo shoqëri ka saktësuar se cdo e dhënë dhe dokument që do të dorëzohet nga klientët do të përdoret për qëllimin e vetëm për të cilin kërkohen, si për këtë proces të rifreskimit të të dhënave që klientët do të bëjnë, apo edhe në rast se ata do të kenë firmosje të kontratave të reja me shoqërinë Ujësjellës Kanalizime Himarë sh.a.

Shoqëria UjësjellësKanalizime Himarë synon ofrimin e shërbimeve cilësore të ujësjellës, kanalizime dhe trajtim të ujërave të ndotura për konsumatorët e saj. Ajo ka qëllim të operojë me efikasitet, të jetë transparente e gjithpërfshirëse, e orientuar drejt shërbimit cilësor për konsumatorët e saj me që llim mbështetjen drejt një zhvillimi të qëndrueshëm, në mbrotje të shëndetit të qytetarëve dhe mjedisit e zonave bregdetare, si dhe ndikimin në rritjen e ekonomisë e turizmit lokal.

Fushata ndërgjegjësuese “Rifresko Të Dhënat – Fatura e Ujit #UKHimarë” si dhe zbatimi i saj në proceset e brendshme dhe të jashtme në terren; mbështetet nga konsulenca institucionale në kuadër të masave shoqëruese e zbatuar nga #GFA dhe #ValuAdd në kuadër të Programi i Ujësjellësave Ruralë IV, financuar nga qeveria e Republikës Federale Gjermane përmes Bankës Gjermane për Zhvillim (KfW), dhe qeveria shqiptare program i zbatuar nga Fondi Shqiptar i Zhvillimit.

Veprimtaria dhe zbatimi i saj në terren me fushatë ndërgjegjësuese mbështeten në zbatim të ), i) Ligjit Nr. 8102, datë 28.03.1999, “Për kuadrin rregullator të sektorit të furnizimit me ujë dhe largimit e përpunimit të ujërave të ndotura” të ndryshuar. ii) Ligjit Nr. 8975, datë 21.11.2002 “Për trajtimin e faturave tatimore të ujit të pijshëm si Titull Ekzekutiv” i ndryshuar ; iii) Ligjit Nr. 87/2019, datë 18.12.2019 “Për faturën dhe sistemin e monitorimit të qarkullimit”; iv) Ligjit Nr. 9902, datë 17.4.2008 Për Mbrojtjen e konsumatorëve”, i ndryshuar); v) Ligj Nr.9887, datë 10.3.2008 “Për mbrojtjen e të dhënave personale”, i ndryshuar; si dhe akte të tjera ligjore e nënligjore mbi të cilat rregullohet ushtrimi i veprimtarisë së shoqërisë UK Himarë Sh.a.