SHUKALB merr pjesë në Konferencën e Ujit “Sfidat e transformimit të Ujësjellës Kanalizime Tiranë 2015-2023: arritjet dhe perspektiva 4 vjeçare”

SHUKALB merr pjesë në Konferencën e Ujit “Sfidat e transformimit të Ujësjellës Kanalizime Tiranë 2015-2023: arritjet dhe perspektiva 4 vjeçare”

Me datë 11 prill 2023, në Tiranë, SHUKALB mori pjesë në Konferencën e Ujit me titull “Sfidat e transformimit të Ujësjellës Kanalizime Tiranë 2015-2023: arritje dhe perspektiva 4 vjecare”, organizuar nga Bashkia e Tiranës dhe Ujësjellës Kanalizime Tiranë (UK Tirane). Objektivi i konferencës ishte prezantimi i arritjeve të UK Tiranë gjatë periudhës 2015-2018 dhe paraqitja e vizionit për 4 vitet e ardhshme.

Pavarësisht sfidave, UK Tiranë ka arritur të rrisë performancën e saj në 8 vitet e fundit dhe besueshmërinë ndaj qytetarëve nëpërmjet programit të kujdesit ndaj klientit, investimeve të vetë UK Tiranë dhe bashkëpunimit të ngushtë me partnerë strategjikë që e kanë mbështetur me projekte të ndryshme.

SHUKALB u përfaqësua në konferencë nga Drejtoresha Ekzekutive, Elisabeta Poçi, e cila ishte e ftuar si folëse në sesionin e dytë të konferencës, ku mbajti një prezantim me temë “Përmirësimi i Menaxhimit të Aseteve përmes ngritjes së kapaciteteve”.

Znj. Poçi ndau përvojën e SHUKALB në lidhje me programet e trajnimit në zhvillimin e aftësive të stafit dhe ndarjes së eksperiencave më të mira ndërmjet shoqërive në rajon, si dhe ngritja e kapaciteteve në kuadër të programit për menaxhimin e aseteve.

Konferenca u përshëndetet nga Kryetari i Bashkisë Tiranë, z. Erion Veliaj, si dhe mblodhi përfaqësues nga sektori i ujit si ERRU, AKUM,  politikëbërës, Ujësjellësi i Budapestit dhe partnerë të tjerë strategjikë ndërkombëtarë me një ndikim të madh në zhvillimin e Tiranës të cilët diskutuan mbi rolin e investimeve në përmirësimin e sistemit të ujit dhe kanalizimeve.