SHUKALB ndan praktikën e tij të mirë mbi Sistemin e Menaxhimit të Klientëve në takimin final të Projektit Rrjeti Rajonal i Zhvillimit të Kapaciteteve

SHUKALB ndan praktikën e tij të mirë mbi Sistemin e Menaxhimit të Klientëve në takimin final të Projektit Rrjeti Rajonal i Zhvillimit të Kapaciteteve

Në vitin 2020, SHUKALB në kuadër të projektit Rrjeti Rajonal i Zhvillimit të Kapaciteteve (RCDN) me qëllim forcimin e kapaciteteve të tij organizative dhe arritjen e një shërbimi dhe menaxhimi më efektiv të marrëdhënieve me anëtarët dhe partnerët, implementoi një sistem të Menaxhimit të Marrëdhënieve me Klientëve (CRM), i cili integroi të gjithë proceset organizative të SHUKALB në lidhje me anëtarësimin, trajnimet, eventet, programet, raportimin, marketingun dhe komunikimin në një platformë të vetme.

Gjatë datave 29-30 mars 2023, në Beograd, Serbi, RCDN organizoi Takimin Final për Rrjetëzim me pjesëmarrjen e përfaqësuesve të Shoqatave të Kompanive të Shërbimeve Publike dhe Shoqatave të Pushteti Vendor, partnere të RCDN-së, si dhe NALAS, IAWD, VSA, DWA, GIZ dhe SECO.

Objektivat e takimit ishin shkëmbimi i praktikave të mira të shoqatave të zbatuara gjatë RCDN; familjarizimin e shoqatave partnere me mënyrën e funksionimit të RCDN+ dhe për të shkëmbyer sinergjitë e mundshme dhe mbështetjen e kolegëve gjatë RCDN+.

SHUKALB u përfaqësua në takim nga Jonida Ahmeti, Menaxhere e Trajnimeve dhe Zhvillimit Profesional dhe Alban Kushi, Menaxher i Shërbimeve ndaj Anëtarëve. Znj. Ahmeti dhe z. Kushi, ndanë praktikën e SHUKALB në zbatimin dhe përdorimin e sistemit CRM dhe shpjeguan përfitimet e tij si shërbimi i anëtarëve në mënyrë të shpejtë dhe inteligjente, mbajtja e të gjitha informacionit të anëtarëve dhe partnerëve në një vend, gjurmimi i informacionit të kontaktit të klientëve dhe ndjekja e angazhimit të tyre në aktivitete, kursimi i kohës dhe parave, gjenerimi i raporteve të shumta për anëtarësimin, kontributet, eventet, trajnimet, databazat e të dhënave dhe fushatat, dhe reduktimi i nivelit të kompleksitetit kur organizohen shumë aktivitete.