Konferenca e Ujit të Danubit 2023 ishte një histori suksesi i madh: Delegacion i rëndësishëm i zyrtarëve shqiptarë morën pjesë dhe u përfshinë aktivisht në program

Konferenca e Ujit të Danubit 2023 ishte një histori suksesi i madh: Delegacion i rëndësishëm i zyrtarëve shqiptarë morën pjesë dhe u përfshinë aktivisht në program

Konferenca e Ujit të Danubit 2023 u mbajt më 31 maj deri më 2 qershor 2023, në Vjenë, Austri, organizuar nga Programi i Ujit të Danubit, i drejtuar nga Shoqata Ndërkombëtare e Kompanive të Ujit në Zonën Ujëmbledhëse të Lumit Danub, IAWD dhe Banka Botërore, dhe i bashkëfinancuar nga Qeveria Austriake. Konferenca e Ujit të Danubit këtë vit përkoi me dy përvjetorë, 10 vjetorin e Programit të Ujit të Danubit dhe 30 vjetorin e IAWD.

Tema e Konferencës për këtë vit ishte “Lundimi në ujërat në ndryshim: Mënyra të reja për të kapërcyer sfidat e reja të sektorit të ujit në rajonin e Danubit”. Konferenca mblodhi së bashku më shumë se 180 profesionistë të rinj dhe të vjetër të sektorit të ujit nga më shumë se 23 vende, të cilët diskutuan mbi sfidat ekzistuese dhe në zhvillim të sektorit të ujit në rajon me sesione që eksploronin shembuj të praktikave më të mira se si t’i menaxhojmë ato dhe diskutime ndërvepruese duke identifikuar mënyra të reja për t’i kapërcyer ato.

Në Konferencë morën pjesë përfaqësues të ndryshëm të grupeve të interesit nga Shqipëria, që përfaqësonin disa nga shoqëritë ujësjellës kanalizime, kompani private anëtare të SHUKALB, Agjencia Kombëtare Ujësjellës Kanalizime dhe Mbetjeve te Ngurta(AKUM) dhe Enti Rregullator i Ujit (ERRU), si dhe vetë SHUKALB.

Ndër folësit shqiptarë, pjesë e programit të konferencës ishin z. Flauers Shoshi, Zëvendës Drejtor i Përgjithshëm i AKUM, i cili ishte folës në sesionin “Perspektiva më e gjerë: Ndërtimi i një sektori të sigurt për ujin përballë emergjencës klimatike”, me prezantimin “Diagnostifikimi i sigurisë së ujit për rajonin e Danubit, rasti i Shqipërisë”; znj. Evis Gjebrea, Zëvendës Drejtoreshë e Përgjithshme e Ujësjellës Kanalizimeve Tiranë, e cila ishte folëse në sesionin “Figura të fshehura: Tërhiqni dhe mbani një fuqi punëtore të larmishme dhe të angazhuar” me prezantimin e titulluar “Njohja dhe adresimi i çështjeve të fuqisë punëtore: perspektiva e një shoqëri ujësjellës kanalizime”, dhe znj. Elsa Belba, Inxhiniere, AKUM, e cila kishte rolin e bashkëmoderatores në sesionin “Figura të fshehura: Tërhiqni dhe mbani një fuqi punëtore të larmishme dhe të angazhuar”.

Programi i konferencës trajtoi një larmi temash nga sfidat ekonomike, siguria e ujit përballë ndryshimeve klimatike, perspektivat për BNJ në shoqëritë e plakura dhe komunikimi brenda sektorit dhe më gjerë, duke krijuar hapësirë të mjaftueshme për shkëmbime të gjalla idesh dhe opinionesh. Përveç kësaj, si pjesë e programit, Camilo Lombana nga BB prezantoi dhe lançoi Qendrën e Ekselencës së BB-së (CoE) e cila do të vendoset në Tiranë, Shqipëri dhe 50 shoqëri UK nga Shqipëria, Bosnje-Hercegovina, Kosova, Mali i Zi, Maqedonia e Veriut dhe Serbia do të ftohet të bashkohet me programin në fazën pioniere të CoE.