SHUKALB merr pjesë në Kongresin e 5-të të GWOPA “Qëndrueshmëria në kohë sfiduese: Mobilizimi i bashkëpunimit për ofruesit e shërbimeve të ujit dhe kanalizimeve të gatshëm për të ardhmen”

SHUKALB merr pjesë në Kongresin e 5-të GWOPA “Qëndrueshmëria në kohë sfiduese: Mobilizimi i bashkëpunimit për ofruesit e shërbimeve të ujit dhe kanalizimeve të gatshëm për të ardhmen”

Elisabeta Poçi, Drejtore Ekzekutive e SHUKALB mori pjesë në Kongresin e 5-të GWOPA (Aleanca Globale e Partneriteteve të Operatorëve të Ujit), në Bon, Gjermani, në datat 22-25 maj 2023, së bashku me kolegë të tjerë nga rajoni i Danubit, Katerina Schilling, Drejtore e Sekretariatit të IAWD dhe Aleksandar Krstic, Koordinator i IAWD Danube Hub. Znj. Poçi mori pjesë në aktivitetin paralel me temë “Mjete të reja për shoqëritë UK për të ecur përpara: Vetë-vlerësimi dhe krahasimi për performancën, menaxhimin dhe aftësia kredituese”, organizuar më 23 maj 2023.

Objektivi i këtij eventi paralel ishte të nënvizonte një sërë mjetesh inovative të Bankës Botërore në dispozicion të Shoqërive UK për të përmirësuar menaxhimin e performancës dhe transparencën – respektivisht duke vetëvlerësuar dhe krahasuar menaxhimin, performancën dhe aftësinë e tyre kredituese në krahasim me të tjerët. Mjetet përfshijnë platformën NewIBNET dhe partneritetin që fton shoqëritë të ndajnë rregullisht të dhënat e tyre mbi treguesit kryesorë të performancës dhe praktikat e menaxhimit, në mënyrë që të jenë në gjendje të krahasojnë veten dhe të mësojnë nga shoqëri të tjera të krahasueshme në mbarë botën (www.NewIBNET.org).

Znj. Poçi prezantoi aktivitetet e vazhdueshme të SHUKALB të Benchmarking në partneritet me SHUKOS dhe në kuadër të Partneritetit të Danubit (D-LeaP).

Në vazhdim, znj. Poçi mori pjesë në sesionin “Sesioni Rajonal i Evropës Juglindore: Le të shohim, a mund të inciojmë një platformë WOP SEE?” më 23 maj 2023. Ky sesion kishte për qëllim të shfaqte aktivitetet e mëparshme dhe të vazhdueshme të WOP të operatorëve të ujit në rajon, për të ofruar një vështrim se kush-është-kush në lidhje me interesin në aktivitetet e WOP në rajon dhe për t’i bashkuar këto palë të interesit për të diskutuar cilat mund të jenë disa nga mundësitë e mundshme mbështetëse dhe cilat mund të jenë disa sfida të mundshme për t’u adresuar siç duhet nëse duhet të inicohet një platformë WOP SEE.