Nxitoni, regjistrohuni tani për programet tona të ardhshme të trajnimit dhe zhvillimit të kapaciteteve!

SHUKALB ju fton të regjistroheni për programet e ardhshme të zhvillimit të kapaciteteve që do të organizohen gjatë periudhës Dhjetor 2023 – Janar 2024. SHUKALB ka siguruar mbështetje financiare në kuadrin e projekteve dhe programeve rajonale si D-LeaP dhe RCDN+, dhe tarifa e pjesëmarrjes falë këtyre partneriteteve është e reduktuar

Gjeni më shumë detaje në lidhje me regjistrimet për secilin program në Kalendarin më poshtë:

TRAJNIM “PROJEKTET E INVESTIMEVE KAPITALE NË INFRASTRUKTURËN E FURNIZIMIT ME UJË” (3 Ditë)
SHKËMBIM EKSPERIENCASH MES KOLEGËVE “PROJEKT I SUKSESSHËM I INVESTIMEVE KAPITALE NË INFRASTRUKTURËN E FURNIZIMIT ME UJË” (1 Ditë)
18,19, 20,dhe 21 Dhjetor 2023, Prishtinë, Kosovë

Qëllimi i trajnimit është të aftësojë pjesëmarrësit të kryejnë projekte komplekse investimesh në infrastrukturë.  Trajnimi do t’u sigurojë pjesëmarrësve kornizën e nevojshme, njohuritë dhe aftësitë e përgjithshme për të kryer përgatitjet e nevojshme për zbatimin e projekteve për investime në infrastrukturë, zhvillimin e të gjithë elementëve të projekteve të ardhshme të investimeve dhe implementimin e të gjitha fazave të një projekti investimesh. Trajnimi 3-ditor është i kombinuar me një shkëmbim të eksperiencave mes kolegëve 1-ditor në Prishtinë, me qëllim rritjen e njohurive të pjesëmarrësve mbi projekte të suksesshme të infrastrukturës së furnizimit me ujë të përgatitura dhe zbatuara nga Shoqëria Rajonale e Ujësjellësit të Prishtinës dhe shkëmbimin mes kolegëve mbi sfidat dhe mësimet e marra.

Këto aktivitete trajnimi janë veçanërisht të vlefshme për:

• Menaxhimin e mesëm në Shoqëritë UK: Drejtuesit e sektorëve / njësive përkatëse; teknike, ligjore, financiare;
• Stafin e njësisë për implementimin e projekteve të përfshirë në zbatimin dhe monitorimin e aspekteve teknike, ligjore dhe financiare të projekteve të investimeve kapitale në infrastrukturë.
• Menaxhimin e mesëm në Bashki: Drejtuesit e departamenteve të shërbimeve bashkiake, stafi përgjegjës për aspektet kryesore të zbatimit të projekteve.
• Drejtuesit dhe specialistët e sektorëve përkatës nga Agjencia Kombëtare e Ujësjellës Kanalizimeve dhe Infrastrukturës së Mbetjeve të cilët janë pjesë e këshillave mbikqyrës të shoqërive UK dhe Enti Rregullator i Ujit.

Tarifa e Pjesëmarrjes

Këto aktivitete kanë mbështetje financiare nga  projekti i RCDN + i cili mbulon kostot direkte të zhvillimit të aktivitetit, kostot e trajnerëve dhe kostot e lidhura me transportin dhe akomodimin. Programi është i kufizuar në një numër të reduktuar pjesëmarrësish vetëm për 15 persona. Tarifa e reduktuar e pjesëmarrjes në këto aktivitete është:

• Anëtarët e SHUKALB është 29,000 Lekë/person + TVSH, dhe për
• Jo-Anëtarët 34,000 Lekë/person + TVSH.

Jeni të lutur të konfirmoni pjesëmarrjen tuaj nëpërmjet e-mailit në kontaktet e mëposhtme ose duke bërë regjistrimin online KËTU deri në datën 11 dhjetor, 2023.

PLANI I SIGURISË SË UJIT DHE MENAXHIMI I KRIZAVE
Dhjetor 2023 – Mars 2024, trajnime në Tiranë dhe vizitë në zyrat e secilës Shoqëri UK

Mungesa e mekanizmave përgjegjës për rritjen e ndotjes dhe rritjes frekuente të katastrofave natyrore sikurse përmbytjet dhe thatësirat pengojnë aftësinë e shërbimeve të furnizimit me ujë për të ofruar shërbimet e tyre në mënyrë të qëndrueshme, duke paraqitur kështu rrezik për shëndetin publik kombëtar. Nëpërmes këtij programi, shoqëritë rajonale ujësjellës kanalizime mësojnë se si të identifikojnë operacionet e dëmshme, si të planifikojnë, të përgatiten, dhe tu përgjigjen këtyre incidenteve shpejt, dhe si të marrin veten në rast të krizave dhe të katastrofave. Programi kombinon trajnime dhe vizita tek shoqëritë mbi këto tematika specifike:

• Zhvillimi i Flow-chart dhe Organigramës (1 ditë).
• Rolet në Menaxhimin e Krizave dhe Hartimi i Planeve (1 ditë).
• Plani i Përmirësimit dhe Monitorimit dhe Vizita në terren në Pika Kritike të Sistemeve të furnizimit me ujë (1 ditë).
• Menaxheri i Krizës dhe Plani i Sigurisë së Ujit dhe Menaxhimit të Krizave (1 ditë).

Programi është veçanërisht i vlefshëm për  menaxhimin e lartë dhe të mesëm në shoqëritë ujësjellës dhe kanalizime:  Administratorët, menaxherët e funksionit tregtar dhe teknik, si dhe drejtuesit e njësive operative nën shoqëritë rajonale UK.

Tarifa e pjesëmarrjes

Ky program ka mbështetje financiare nga programi i D-LeaP dhe projektit RCDN + i cili mbulon kostot e  kostot e trajnerëve dhe qiranë e ambjentit. Programi është i kufizuar në një numër të kufizuar prej 5 shoqërish nga 3 pjesëmarrës. Tarifa e reduktuar e pjesëmarrjes në këtë program është:

• Anëtarët e SHUKALB është 20,000 Lekë/person + TVSH, dhe për
• Jo-Anëtarët 25,000 Lekë/person + TVSH.

Jeni të lutur të konfirmoni pjesëmarrjen tuaj nëpërmjet e-mailit në kontaktet e mëposhtme ose duke bërë regjistrimin online KËTU deri në datën 11 dhjetor, 2023.

Nëse keni pyetje në lidhje me programet tona të trajnimit dhe zhvillimit të kapaciteteve, mund të kontaktoni Jonida Ahmeti, Menaxhere e Trajnimeve dhe Zhvillimit Profesional, në kontaktet e mëposhtme:

Tel: +355 42 24 5101
Mob: +355 69 70 66 222
E-mail: training@shukalb.al; jonida.ahmeti@shukalb.al