SHUKALB merr pjesë në mbledhjen e Këshillit të Komitetit të D-LeaP: Planifikimi, Ofertat dhe Iniciativat Bashkëpunuese për 2024

Në një takim vjetor të zhvilluar më 30 janar 2024, në ambientet e Bankës Botërore në Vjenë, Këshilli i Komitetit të Partneritetit të Danubit (D-LeaP) u mblodh fizikisht dhe virtualisht. Mbledhja përfshinte anëtarë të Këshillit të Komitetit të D-LeaP, anëtarë të stafit të IAWD, anëtarë të stafit të Bankës Botërore, përfaqësues të SECO, përfaqësues të GIZ, përfaqësues të NALAS, duke nxitur një diskutim mbi aspektet thelbësore të planit të punës së D-LeaP.

Pikat kryesore të takimit janë përshkruar më poshtë:

• U prezantua drafti i Raportit Vjetor të D-LeaP për vitin 2023, duke ofruar reflektime mbi sfidat e hasura në programet e Zhvillimit të Kapaciteteve (ZHK) gjatë gjithë vitit dhe mësime të vlefshme të nxjerra për përmirësime në të ardhmen.
• U prezantuan Programet e ardhshme D-LeaP për vitin 2024, duke detajuar iniciativat e planifikuara nga çdo Hub dhe kërkesat financiare që lidhen me këto programe ZHK u trajtuan gjithashtu.
• Prezantimet e bëra nga projektet paralele rajonale, veçanërisht RCDN+ dhe UoF-CoE. Pati diskutime mbi koordinimin e nevojshëm për shfrytëzimin e burimeve dhe sinergjitë në rajon.
• U nda progresi i Akademisë D-LeaP, përfshirë planet për kalimin në një Sistem të Menaxhimit të Mësimit me burim të hapur (LMS).
• U prezantua mbi progresin e Kornizës së Menaxhimit të Cilësisë D-LeaP, aktualisht në zhvillim e sipër, me qëllim që të sigurohet cilësia dhe efektiviteti i programeve D-Leap.
• U arrit një marrëveshje në lidhje me ndarjen e materialeve të D-LeaP me rajone të tjera për të kontribuar në iniciativat e ZHK-ve në një shkallë më të gjerë.

Përfaqësuar nga menaxherja e trajnimeve, Jonida Ahmeti, SHUKALB kontribuoi në mënyrë aktive në diskutimet në lidhje me programet kombëtare të ZHK-ve dhe iniciativat rajonale. SHUKALB është i angazhuar të ofrojë tre programe të planifikuara për ZHK gjatë vitit 2024 në kuadër të D-LeaP, përkatësisht programi Menaxhimi i Aseteve, programi Plani i Sigurisë së Ujit dhe Menaxhimi i Krizave, dhe programi i Akses në Financim. Këto programe janë përshtatur për të ofruar zgjidhje të synuara për shoqëritë ujësjellës kanalizime në Shqipëri.