Nxitoni dhe regjistrohuni tani në Trajnimin dhe Shkëmbimin e eksperiencave mes kolegëve mbi “Projektet e Investimeve Kapitale në Infrastrukturën e Furnizimit me Ujë”

SHUKALB ju fton të regjistroheni për Trajnimin e ardhshëm dhe Shkëmbimin mes kolegëve për Projektet e Investimeve Kapitale në Infrastrukturë në Sektorin e Ujit, që do të mbahet në Prishtinë, Kosovë më 21-24 maj 2024. SHUKALB ka siguruar mbështetje financiare në kuadër të projekteve dhe programeve rajonale si D-LeaP dhe RCDN+, dhe falë këtyre partneriteteve tarifa për pjesëmarrjen në këtë trajnim është e reduktuar.

TRAJNIM “PROJEKTET E INVESTIMEVE KAPITALE NË INFRASTRUKTUREN E FURNIZIMIT ME UJË” (3 Ditë)
SHKËMBIM EKSPERIENCASH MES KOLEGEVE “PROJEKT I SUKSESSHEM I INVESTIMEVE KAPITALE NË INFRASTRUKTUREN E FURNIZIMIT ME UJË” (1 Ditë)
21, 22, 23 dhe 24 Maj 2024, Prishtinë, Kosovë

Qëllimi i trajnimit është të aftësojë pjesëmarrësit të kryejnë projekte komplekse investimesh në infrastrukturë. Trajnimi do t’u sigurojë pjesëmarrësve kornizën e nevojshme, njohuritë dhe aftësitë e përgjithshme për të kryer përgatitjet e nevojshme për zbatimin e projekteve për investime në infrastrukturë, zhvillimin e të gjithë elementëve të projekteve të ardhshme të investimeve dhe implementimin e të gjitha fazave të një projekti investimesh.

Trajnimi 3-ditor është i kombinuar me një shkëmbim të eksperiencave mes kolegëve 1-ditor në Prishtinë, me qëllim rritjen e njohurive të pjesëmarrësve mbi projekte të suksesshme të infrastrukturës së furnizimit me ujë të përgatitura dhe zbatuara nga Kompania Rajonale e Ujësjellësit të Prishtinës dhe shkëmbimin mes kolegëve mbi sfidat dhe mësimet e nxjerra. Një plan veprimi do të plotësohet në fund nga pjesëmarrësit.

Afati i fundit për t’u regjistruar në këtë trajnim është deri më 10 maj 2024.

Për më shumë informacion dhe regjistrim në këtë trajnim klikoni KËTU!