Regjistrohuni tani për Programin e D-LeaP Akses në Financim

SHUKALB ka kënaqësinë t’ju njoftojë hapjen e regjistrimeve për programin e D-LeaP Akses në Financim. Ofrimi i programit mbështetet bashkërisht nga Partneriteti i Danubit (D-LeaP) dhe Rrjeti Rajonal i Zhvillimit të Kapaciteteve (RCDN).

Objektivat dhe Struktura e Programit

Programi i D-LeaP Akses në Financim është krijuar për t’u ofruar pjesëmarrësve një kuptim të plotë të koncepteve themelore të menaxhimit financiar. Këto aftësi janë thelbësore për administrimin efektiv të të ardhurave, sigurimin e mbulimit të kostove, zbatimin e praktikave të shëndosha të kontabilitetit, menaxhimin e aseteve, vendosjen e tarifave, vlerësimin e investimeve dhe aksesin në financimin e jashtëm.

Programi do të ndjekë ciklin standard me tre seminare D-LeaP, i plotësuar nga detyrat e shtëpisë dhe mbështetje e vazhdueshme nga trajnerët. Ai përfshin evente fillestare dhe të ndërmjetme për Zhvillimin e Kapacitetit (ZHK) të dizenjuara veçmas për secilin grup të synuar—sesione trajnimi për menaxhimin e lartë dhe shkëmbime kolegësh për vendimmarrësit. Aktiviteti final është një shkëmbim i përbashkët i kolegëve për të dy grupet për të përmbledhur kolektivisht rezultatet, për të shkëmbyer njohuri dhe për të rënë dakord për rrugën përpara.

Datat kryesore dhe pjesëmarrja

Ju lutemi vini re se ky program do të ofrohet ekskluzivisht gjatë muajit nëntor 2024 . Për të siguruar një vend në program, regjistrimi i hershëm është vendimtar , pasi vendet janë të kufizuara në 5 shoqëri UK , me 4 pjesëmarrës për shoqëri . Afati i fundit i regjistrimit është 31 tetor 2024 .

Grupi i synuar

Ky program është krijuar për vendimmarrësit dhe menaxhmentin e lartë në shoqëritë komunale dhe UK, duke përfshirë:

• Kryetarët e bashkive, këshilltarët bashkiakë, drejtuesit e departamenteve financiare, anëtarët e bordeve mbikëqyrëse
• Drejtuesit e departamenteve të çështjeve bashkiake, drejtuesit e departamenteve të planifikimit dhe analizës, drejtuesit e departamenteve të zhvillimit
• Specialistë të departamenteve të ekonomisë dhe financave, drejtues të kontabilitetit, specialistë financiarë

Tarifat e Pjesëmarrjes

Falë mbështetjes financiare nga D- LeaP dhe RCDN+, të cilat mbulojnë kostot e trajnerëve dhe shpenzimet e tjera direkte të programit, ne jemi të lumtur të ofrojmë një tarifë të reduktuar pjesëmarrjeje :

• Anëtarët e SHUKALB: 25 000 Leke/person + TVSH
• Jo anëtarë: 30 000 Leke/person + TVSH

Regjistrohuni sot!

Për të siguruar vendin tuaj në këtë program të vlefshëm, regjistrohuni online nëpërmjet këtij [ LINKU ] ose konfirmoni pjesëmarrjen tuaj me email në training@shukalb.al deri më 31 tetor 2024.

Për informacion më të detajuar mbi programin, ju lutemi referojuni broshurës së programit .