Ujësjellës Kanalizime Tiranë organizon Trajnimin e Avancuar mbi Menaxhimin e Integruar të Burimeve Ujore

From May 26 to May 30, 2025, the Tirana Water Utility Company (UKT) organized one of the most advanced training programs on Integrated Water Resource Management (IWRM), within the framework of the CrossWater+ project, supported by the IPA Interreg Italy-Albania-Montenegro Programme.

Nga data 26 deri më 30 maj 2025, Shoqëria Ujësjellës Kanalizime Tiranë (UKT) organizoi një nga programet më të avancuara të trajnimit mbi Menaxhimin e Integruar të Burimeve Ujore (IWRM), në kuadër të projektit CROSSWATER+, të mbështetur nga Programi IPA Interreg Itali–Shqipëri–Mal i Zi.

Trajnimi mblodhi përfaqësues nga UKT, Acquedotto Pugliese SpA (Itali), Regionalni Vodovod Crnogorsko Primorje (Mali i Zi), Bashkia e Tiranës, Banka Botërore dhe SHUKALB.

Gjatë pesë ditëve të programit, profesionistë shqiptarë dhe partnerë ndërkombëtarë ndanë përvoja praktike dhe zgjidhje të avancuara për të nxitur një menaxhim më të integruar dhe të qëndrueshëm të burimeve ujore. Programi përfshiu:

• Sesione mbi teknologjitë inteligjente dhe dixhitalizimin e rrjeteve të ujit
• Diskutime mbi qeverisjen dhe politikat e qëndrueshme të ujit
• Vizita teknike në:
  • Impiantin e Trajtimit të Ujërave të Ndotura në Durrës
  • Impiantin e Trajtimit të Ujit të Bovillës dhe Digën
  • Laboratorët e avancuar të UKT-së

Një nga pikat kulmore të trajnimit ishte seria e prezantimeve nga Z. Leonat Muskollari, Menaxher i Zhvillimit të Biznesit– Shqipëri nga kompania Veolia, i cili ndau praktikat më të avancuara të Veolia-s në nivel ndërkombëtar:

• Zgjidhje për menaxhimin e rrjedhjeve – teknologjitë dhe praktikat më të mira
• Teknologji të gjelbra për përballimin e mungesës së ujit – inovacion dhe qëndrueshmëri
• Menaxhim dixhital dhe inteligjent i ujit – zgjidhje përmes inteligjencës artificiale dhe IoT

Pjesëmarrësit treguan interes të veçantë për zgjidhjet që ofron Veolia, veçanërisht ato që janë të aplikueshme në kontekstin shqiptar. Vëmendje e veçantë iu kushtua platformës dixhitale Hubgrade, një mjet inteligjent dhe i shkallëzueshëm për përmirësimin e efikasitetit operacional.

Ky trajnim përfaqëson një hap të rëndësishëm përpara në modernizimin e sektorit të ujit në Shqipëri dhe avancimin e tij drejt përputhjes me standardet evropiane.

Si SHUKALB, jemi krenarë që kemi mbështetur të dy anëtarët tanë – Ujësjellësin e Tiranës, si organizatorin e këtij eventi, dhe kompanine Veolia, si kontribues kyç me zgjidhje inovative dhe dixhitale në menaxhimin e ujit.  Jemi veçanërisht të kënaqur që kemi lehtësuar lidhjen midis tyre, duke forcuar më tej shkëmbimin e njohurive dhe bashkëpunimin në sektorin tonë.