Regjistrimet janë tashmë të hapura për Konferencën dhe Ekspozitën e 14-të të Përbashkët Ballkanike – 3–5 Nëntor 2026, Prishtinë, Kosovë

SHUKALB dhe SHUKOS kanë kënaqësinë të njoftojnë se janë hapur regjistrimet për Konferencën dhe Ekspozitës së 14-të të Përbashkët Ballkanike, e cila do të mbahet më 3–5 nëntor 2026, në Prishtinë, Kosovë, në ambientet e Emerald Hotel..

Tema e Konferencës së këtij viti, “Uji dhe Mundësi të Barabarta”, vë në pah rëndësinë e ndërtimit të një sektori uji që nuk është vetëm teknikisht i fortë, por edhe i drejtë, gjithëpërfshirës dhe i përgjegjshëm ndaj nevojave të komuniteteve. E frymëzuar nga tema e Ditës Botërore të Ujit 2026, “Uji dhe Barazia Gjinore”, Konferenca do të trajtojë si aksesin e barabartë në shërbimet e ujit dhe kanalizimeve, ashtu edhe mundësitë e barabarta për zhvillim profesional dhe lidership brenda vetë sektorit të ujit.

Ashtu si në vitet e kaluara, Konferenca pritet të mbledhë më shumë se 500 pjesëmarrës nga rajoni i Ballkanit Perëndimor, Evropa dhe më gjerë, duke përfshirë profesionistë të shoqërive ujësjellës-kanalizime, përfaqësues të institucioneve publike, politikëbërës, partnerë zhvillimi, akademikë, studiues, kompani private dhe organizata ndërkombëtare. Ky event ofron një mundësi unike për shkëmbimin e njohurive, ndarjen e përvojave dhe diskutimin e zgjidhjeve praktike që kontribuojnë në përmirësimin e shërbimeve, zhvillimin e burimeve njerëzore dhe forcimin e institucioneve të sektorit të ujit.

Ndërsa sektori përballet me sfida të tilla si modernizimi i infrastrukturës, transformimi dixhital, përputhshmëria me legjislacionin, presionet e ndryshimeve klimatike dhe rinovimi i fuqisë punëtore, Konferenca do të shërbejë si një platformë rajonale për prezantimin e praktikave më të mira, nxitjen e inovacionit dhe forcimin e bashkëpunimit ndërmjet aktorëve të sektorit.

Paralelisht me Konferencën, do të organizohet një Ekspozitë Teknike, ku kompani vendase dhe ndërkombëtare do të prezantojnë pajisjet, teknologjitë, produktet dhe shërbimet më të fundit për sektorin e ujit dhe ujërave të ndotura. Ekspozita do t’u ofrojë pjesëmarrësve mundësinë të njihen me zgjidhje inovative, të eksplorojnë zhvillimet më të fundit të industrisë dhe të krijojnë kontakte të reja profesionale e biznesi.

Bashkohuni me ne – Regjistrohuni tani!

Ftojmë të gjithë profesionistët, institucionet dhe kompanitë e interesuara të regjistrohen për të marrë pjesë në Konferencë dhe/ose të aplikojnë për të ekspozuar në Ekspozitën Teknike.

🔹 Shkarkoni Broshurën e Konferencës për informacion të plotë mbi temat, programin, tarifat e pjesëmarrjes, mundësitë e ekspozimit dhe aspektet logjistike:

📄 Broshura e Konferencës dhe Ekspozitës 2026

🔹 Regjistrohuni tani për në Konferencë!

📝 Regjistrimi online

🕒 Regjistrimi me tarifa të reduktuara (Early Bird) është i hapur deri më 30 shtator 2026. Mos e humbisni mundësinë për t’u bërë pjesë e një prej eventeve më të rëndësishme rajonale të sektorit të ujit, që bashkon profesionistë dhe vendimmarrës nga Ballkani Perëndimor, Evropa dhe më gjerë.

Për më shumë informacion dhe përditësime, vizitoni faqen zyrtare:

🌐 www.balkansjointconference.org

Kontakte

📧 Konferenca dhe Ekspozita: info@BalkansJointConference.org

📞 Alban Kushi (SHUKALB): +355 4 224 5101 | 📱 +355 69 601 2782
📞 Bekim Juniku (SHUKOS): +383 38 600 873 | 📱 +377 44 282 580

Ju mirëpresim në Prishtinë në nëntor 2026!