MENAXHIMI I HUMBJEVE TË UJIT
24-25 Korrik 2024, Tirane

REGJISTROHUNI TANI

Përshkrimi i kursit

Kursi i trajnimit mbi Menaxhimit të Humbjeve të Ujit ll, vjen si një vazhdimësi e kursit të parë mbi Menaxhimin e Humbjeve. Ky kurs do të përshkruaj dhe shfaq nevojën e zbatimit të programeve të  reduktimit të humbjeve duke theksuar gjithashtu rëndësinë e përmirësimit të efiçencës tregtare në Shoqëritë UK nëpërmjet praktikave më të mira ndërkombëtare lidhur me matjen dhe treguesit e performacës së efiçencës tregtare. Pjesëmarrësit do të kuptojnë se pas investimeve të mëdha për ndërtimin apo rikostruksionin e rrjetit të sistemit të furnizimit me ujë, kërkohet një menaxhim sa më i mirë, për të siguruar efikasitet në operimin e sistemit dhe shërbime me kosto më të ulët.

Kush duhet të marrë pjesë

Ky kurs është hartuar për profesionistët e shoqërive ujësjellës kanalizime dhe është veçanërisht i vlefshëm për drejtorët e departamentit teknik dhe të shpërndarjes, inxhinierët e mirëmbajtjes dhe të shfrytëzimit, inxhinierët e matjes, teknikët e bilancit, si dhe menaxherët e faturimit dhe arkëtimit. Gjithashtu,  ky   kurs synon në mënyrë të vecantë pjesëmarrjen e profesionistëve të cilët morën pjesë në kursin e parë të Menaxhimin të Humbjeve të Ujit – I.

Objektivat e kursit të trajnimit

Në fund të këtij kursi trajnimi, ju do të jeni të aftë të:

• Njihni rëndësinë e menaxhimit të kërkesës për ujë dhe rëndësinë e matjes së ujit;
• Përcaktoni sasinë e prurjes dhe kërkesën për ujë në rastet kur nuk ka matësa;
• Njihni rëndësinë e efiçencës tregtare;
• Identifikoni nivelin ekonomik të ujit pa të ardhura;
• Shpjegoni rëndësinë e përcaktimit të përparësive ndërmjet komponentëve për reduktimint e uji pa të ardhura;
• Kuptoni rëndësinë e përcaktimit të përparësisë ndërmjet komponentëve për reduktimin e ujit pa të ardhura;
• Plotësoni tabelën e bilancit të ujit;
• Planifikoni një fushata ndërgjegjësimi për konsumatorët.

Metoda e trajnimit

Trajnimi është i bazuar në leksione të prezantuara në Power Point, të ndërthurura me diskutime dhe raste studimore. Përveç marrjes së leksioneve dhe diskutimeve, pjesëmarrësit do të analizojnë raste konkrete duke u angazhuar në zhvillimin e ushtrimeve që përfshijnë përdorimin e të dhënave të shoqërisë së tyre

Materialet e kursit të trajnimit

Si pjesëmarrës në këtë kurs, ju do të pajiseni me Manualin e Trajnimit “Menaxhimi i Humbjeve të Ujit II”. Përpos kësaj, ju do të pajiseni me çertifikatë e cila dëshmon pjesëmarrjen tuaj në këtë trajnim.

Tarifa e regjistrimit

• Anëtarët e SHUKALB: 22,000 lekë për person + TVSH
  Jo-anëtarët: 25,000 lekë për person + TVSH

Kjo tarifë përfshin materialet e kursit, drekat, dhe pushimet për kafe.

REGJISTROHUNI TANI

SHKARKONI BROSHURËN