Thirrja për Abstrakte dhe Regjistrimi janë tashmë të hapura – Vlera e Ujit, Konferenca dhe Ekspozita e 9-të e Përbashkët Ballkanike

SHUKOS dhe SHUKALB kanë kënaqësinë t’ju ftojnë të merrni pjesë në  Konferencën dhe Ekspozitën e 9-të të Përbashkët Ballkanike, e cila do të mbahet si një aktivitet hibrid në datat 3-5 nëntor 2021.

Tema e Konferencës, Vlera e Ujit, është frymëzuar nga Dita Botërore e Ujit 2021, dhe thekson faktin se mënyra si e vlerësojmë ujin përcakton se si menaxhohet dhe shpërndahet ai. Vlera e ujit është shumë më tepër sesa çmimi i tij – uji ka vlerë shumë të madhe dhe komplekse për familjet tona, kulturën, shëndetësinë, arsimin, ekonominë dhe integritetin e mjedisit tonë natyror. Nëse anashkalojmë ndonjë prej këtyre vlerave, rrezikojmë të keqmenaxhojmë këtë burim të fundëm, të pazëvendësueshëm.

Këtë vit ne do t’u ofrojmë pjesëmarrësve fleksibilitetin për të zgjedhur midis pjesëmarrjes në vendin e konferencës që është Hotel Emerald, Prishtinë ose t’i bashkohen eventit virtualisht përmes platformës sonë online. SHUKALB dhe SHUKOS janë të përkushtuar ta bëjnë eventin hibrid të këtij viti po aq interesant dhe të vlefshëm për të gjithë pjesëmarrësit, dhe më e rëndësishmja, të sigurt për të marrë pjesë për ata që do të bashkohen me ne fizikisht.

Programi i Konferencës ofron një larmishmëri temash, që mbulojnë të gjithë aspektet e sektorit të furnizimit me ujë dhe kanalizimeve duke përfshire çështje politike, menaxheriale dhe teknike. Konferenca ofron një platformë ku të gjithë profesionistët në sektorin e ujit mblidhen, diskutojnë dhe shkëmbejnë informacion dhe ndajnë praktikat e tyre të mira mbi çështje me interes në sektorin e ujit.

Fuqia e Konferencës së Përbashkët Ballkanike, siç dëshmohet nga anketimet e pjesëmarrësve që janë kryer ndër vite, ka qënë gjithmonë cilësia dhe shumëllojshmëria e diskutimeve plenare, punimeve profesionale të prezantuara nga profesionistë të njohur në të dy vendet dhe më gjerë në rajon.

Jeni të ftuar të dorëzoni abstraktet tuaja!

Për informacion të detajuar mbi temat kryesore të Konferencës, afatet kryesore, udhëzime mbi abstraktet, ju lutemi kontrolloni broshurën Thirrja për Abstrakte.

Për informacion të detajuar mbi regjistrimin në Konferencë dhe Ekspozitë ju lutemi kontrolloni Prospektin e Konferencës dhe Ekspozitës.

Për më shumë informacion rreth Programit të Konferencës, ju lutemi na kontaktoni në:

Programi i Konferencës:                  program@balkansjointconference.org
Nadire Vitija, SHUKOS:                      Tel: +383 38 526 873; Cel: +383 44 182 497
Jonida Ahmeti, SHUKALB:                Tel: +355 42 24 5101; Cel: +355 69 60 12782

Për regjistrimet në Konferencë dhe Ekspozitë ju lutemi të na kontaktoni në:

Email:                                                 info@BalkansJointConference.org
Bekim Juniku, SHUKOS:                   Tel: +383 38 600 873, Mob: +383 44 282 580
Alban Kushi, SHUKALB:                    Tel: +355 42 245 101, Mob: +355 69 60 12782
Faqa e internetit:                                 http://balkansjointconference.org

SHUKOS dhe SHUKALB ju mirëpresin në Konferencen e Përbashkët për të ndarë interesin tonë të përbashkët për një mjedis ujor më të mirë në Rajonin e Ballkanit.