SHUKALB Organizon Workshopin e fundvitit të Projektit “Shërbime Këshillimore për Menaxhimin e Aseteve për Shoqëritë Ujësjellës Kanalizime në Evropën Jug Lindore”

Në datë 17 Dhjetor 202, SHUKALB në bashkëpunim me SHUKOS (Shoqata e Ujësjellësve dhe Kanalizimit të Kosovës) organizuan workshopin e fundvitit të Projektit “Shërbimet Këshillimore për Menaxhimin e Aseteve për Shoqëritë Ujësjellës Kanalizime në Evropën Jug Lindore”.  Workshopi u organizua virtualisht nëpërmjet platformës MS Teams, ku morën pjesë menaxherë dhe staf nga Shoqëri UK në Shqipëri dhe KRU në Kosovë, përfaqësues nga institucione të qeverisë qendrore dhe lokale nga të dyja vendet, si dhe donatorë.

Qëllimi i këtij workshop ishte të prezantonte progresin e projektit gjatë vitit 2021, si dhe të informonte në lidhje me aktivitetet që do të zhvillohen gjatë vitit 2022.

Workshopi u organizua bashkarisht nga SHUKALB and SHUKOS, me mbështetjen e GIZ Deutsche Gesellchaft fur Internationale Zusammenarbeit, Hydro-Comp Enterprise HCE në Qipro dhe Shoqata Ndërkombëtare e Kompanive Ujësjellës Kanalizime në Zonën e Mbulimit të Lumit Danub (IAWD).

SHUKALB ka vazhduar zbatimin e vitit të tretë të Projektit me pjesëmarrjen e 18 shoqërive ujësjellës kanalizime. Dhjetë (10) shoqëri UK nga 18 kanë kaluar tashmë në nivelin platinium dhe së shpejti pritet të fillojë me aktivitetet. Shtatë (7) shoqëri UK kanë qenë pjesë e Nivelit të Artë dhe kanë filluar me mbledhjen dhe përpunimin e të dhënave për të zbatuar procedurat e menaxhimit të mirëmbajtjes. Gjithashtu, një (1) shoqëri UK i është bashkuar projektit në fund të vitit 2021, në fazën e parë, dhe është duke punuar në regjistrimin e aseteve.