Thirrje për pjesëmarrje në programin e zhvillimit të kapaciteteve me temë ”Hyrje në Sistemet e Kanalizimeve dhe Ujërave të Ndotura për Menaxherët dhe Inxhinierët”

SHUKALB ka kënaqësinë t’ju ftojë të merrni pjesë në Programin e Zhvillimit të Kapaciteteve për Kanalizimet dhe Ujërat e Ndotura me titull “Hyrje në Sistemet e Kanalizimeve dhe Ujërave të Ndotura për Menaxherët dhe Inxhinierët”, i cili do të pilotohet për herë të parë në kuadër të Projektit “Rrjeti Rajonal për Zhvillimin e Kapaciteteve për Shërbimet e Furnizimit me Ujë dhe Kanalizimeve (RCDN)”.

Programi konsiston në 3 trajnime mbi temat e aspekteve rregullatore, financuese, teknologjike dhe të menaxhimit të një projekti infrastrukturor, si dhe një shkëmbim mes kolegësh, i cili do të organizohet gjatë muajve shtator – nëntor 2022.

Regjistrimi në Program është tashmë hapur!

Programi synon shoqëritë UK dhe NJQV-të që janë në fazën e përgatitjes/projektimit të projekteve infrastrukturore për kanalizime dhe trajtimin e ujërave të ndotura , veçanërisht menaxherët dhe inxhinierët të cilët janë të angazhuar me projektet e investimeve kapitale infrastrukturore, nga:

• Shoqëritë UK: (1) Menaxher Teknik; (2) Anëtarët e NJZP-ve; (3) Stafi teknik; Secondarë: (4) Stafi i Laboratorëve (5) Departamenti për Marrëdhëniet me Klientët.
• Bashkitë: (1) Departamenti i Shërbimeve Vendore, (2) Departamenti i Investimeve, (3) Zyra e Kryetarit.
• Agjencia Kombëtare Ujësjellës Kanalizimeve dhe Infrastrukturës së Mbetjeve: Specialistë dhe koordinatorë.

Programi ka për qëllim t’i aftësojë pjesëmarrësit të jenë në gjendje të marrin një rol aktiv gjatë planifikimit dhe zbatimit të këtyre projekteve. Objektivat specifike të këtij programi janë për pjesëmarrësit të jenë në gjendje:

• Të shpjegojnë statusin e sektorit të kanalizimeve dhe trajtimit të ujërave të ndotura dhe kuadrin ligjor dhe institucional në nivel kombëtar dhe NJQV.
• Të shpjegojnë sisteme të ndryshme të grumbullimit dhe trajtimit të ujërave të ndotur, duke u fokusuar tek aspektet teknike dhe të shpjegojnë rëndësinë e tyre.
• Të kuptojnë elementë kryesor të menaxhimit të një projekti infrastrukturor të kanalizimeve dhe trajtimit të ujërave të ndotur.

Programi është i hartuar në përputhje me Standardet e Cilësisë së RCDN-së duke refelektuar metodologjinë më moderne të zhvillimit të kompetencave. Më shumë informacion mbi Programin mund ta gjeni në Kurrikulën e Programit.

Programi do të ofrohet vetëm për një numër të kufizuar prej 20 pjesëmarrësish.

Për t’u regjistruar në Program ju lutemi ndiqni linkun mëposhtë:

https://crm.shukalb.al/civicrm/event/register/?id=62&reset=1