Duke iu afruar përfundimit trajnimi për Menaxhimin e Shoqërive Ujësjellës Kanalizime përmbyll modulin e shtatë të trajnimit

Klasa e parë e trajnimit për Menaxhimin e Shoqërive Ujësjellës Kanalizime po i afrohet diplomimit, pasi ka përfunduar javën bazë të trajnimit të modulit 7 dhe ka nisur drejt modulit përfundimtar 8, i cili do të mbahet si kurs i drejtpërdrejtë në nëntor në Vjenë.

Trajnimi për Menaxhimin e Shoqërive Ujësjellës Kanalizime është programi kryesor i D-LeaP, Partneriteti i Danubit. Duke bashkëpunuar me shoqëritë kryesore në Evropën Qendrore dhe Lindore, Universitetin e Sofjes dhe Bankën Botërore si një partner institucional, ky program synon të “pajisë” menaxherët aktualë dhe të ardhshëm të sektorit të ujit me mjete dhe teknika për të mbështetur vendimmarrjen e tyre dhe për të promovuar praktikat më të mira për të siguruar shërbime ujësjellës kanalizime të besueshme, të sigurta, gjithëpërfshirëse, transparente dhe të përgjegjshme të ofruara nga shoqëri efiçente, të qëndrueshme, novatore dhe ekonomikisht të shëndosha.

Një perspektivë më e gjerë

Moduli 7 titullohet “UER – Utility Economics and Regulation” (Ekonomia dhe Rregullorja e Shoqërive Ujësjellës Kanalizime). Duke ndjekur gjashtë module që, hap pas hapi, mbulojnë funksionet kryesore në një shoqërie UK, nga operimi i rrjetit dhe menaxhimi i impianteve te financat, shërbimi ndaj klientit dhe matja, ky modul shikon mjedisin më të gjerë ekonomik, rregullator dhe social në të cilin shoqëritë veprojnë. Ai e shikon konceptin e rregullores së sektorit të ujit nga një perspektivë historike dhe praktike, duke prekur gjithashtu tema të ndërlidhura si krijimi i politikave, qeverisja e shoqërive, planifikimi dhe mbikëqyrja në nivel qendror, rajonal dhe komunal.

Ky modul gjithashtu thellohet në temën e tarifave, duke trajtuar komponentët kryesorë të tarifave si asetet, klientët, vëllimet e ujit dhe strukturat e kostos kundrejt të ardhurave, lidhjet midis pasqyrave financiare dhe tarifave, qasje të ndryshme ndaj strukturimit dhe proceseve të miratimit të tarifave, duke rishikuar një model tarifor shembullor duke përdorur analiza sensitive të thjeshtuara, si dhe trajtimi i disa aspekteve të financimit të shoqërive.

Një sprint deri në vijën e finishit

Një temë tjetër e modulit është anatomia e modeleve kontraktuale që specifikojnë se çfarë duhet të bëjnë shoqëritë me asetet publike që operojnë. Përveç kësaj, moduli UER ofron prezantime të shkurtra në nën-tema të lidhura si rregulloret e BE-së për ujërat dhe evolucioni i tyre, roli i palëve të interesit evropian në këtë sektor, risitë kontraktuale dhe ekonomike, etj., duke i inkurajuar pjesëmarrësit të reflektojnë mbi sfondin kompleks të rregullave dhe rregulloret për shoqëritë UK. Sesionet kryesore të trajnimit të modulit 7 u mbajtën midis 19 dhe 23 shtator, me trajnerët Sylvia Dimova, Ivaylo Kastchiev dhe Rado Russev duke ndërvepruar me pjesëmarrësit përmes Zoom.

Moduli i tetë dhe i fundit do të jetë sërish “live”, i planifikuar për në fund të nëntorit në Vjenë. Klasa pioniere e Trajnimit për Menaxhimin e Shoqërive UK i ka sytë në vijën e finishit.

Linqet: VoD – Utility Management Training (iawd.at)

Shënim: Artikulli i mësipërm është marrë nga Voice of the Danube, faqja e internetit e Shoqatës Ndërkombëtare të Kompanive të Furnizimit me Ujë të Basenit të lumit Danub.