Qendra e Ekselencës së Shoqërisë së të Ardhmes

Qendra e Ekselencës së Shoqërisë së të Ardhmes

Që nga viti 2019, Banka Botërore dhe partnerët e saj kanë punuar me shoqëri UK në të gjithë botën nëpërmjet Programit Utility of the Future (Kompania e së Ardhmes) (UoF), i zhvilluar me mbështetjen e Partneritetit Global të Sigurisë së Ujit dhe Sanitetit (GWSP). UoF është një qasje e re që integron mësimet nga dekadat e punës analitike dhe asistencën teknike për shoqëritë UK, duke përfshirë Kornizën e Ndryshimit të Shoqërive të Ujit (Water Utility Turnaround Framework). Studime të tjera, përfshirë një rishikim të reformave të suksesshme urbane të shoqërive UK, mbështesin qëndrueshmërinë e kësaj qasjeje. Qasja UoF synon të ofrojë ndihmë të përshtatur për shoqëritë dhe të nxisin përmirësime të qëndrueshme të performancës. Ajo përdor metoda pjesëmarrëse ku ekipet e shoqërive UK angazhohen dhe fuqizohen për të transformuar shoqërinë e tyre, për të optimizuar proceset thelbësore dhe për të zhvilluar aftësi për të menduar për të ardhmen në mënyrë që të përmirësojnë ofrimin e shërbimeve. Elementët kryesorë të procesit UoF përfshijnë një analizë të thellë të ndërmarrjes, zhvillimin e një plani veprimi 100-ditor që identifikon masat afatshkurtra, “të fitimit të shpejtë” dhe përgatitjen e një plani strategjik pesë-vjeçar për të përmirësuar performancën.

Banka Botërore, në partneritet me Sekretariatin Shtetëror Zviceran për Çështjet Ekonomike (SECO), ka nisur së fundmi Qendrën e Ekselencës së Shoqërisë së të Ardhmes (Utility of the Future Center of Excellence (UoF-CoE)), e cila ndër aktivitetet e tjera do të mbështesë një sërë shoqërish në vendet e Ballkanit Perëndimor të zbatojnë metodologjinë UoF dhe të sigurojnë financim shtesë për një numër të kufizuar shoqërish me performancën më të mirë për zbatimin e veprimeve. Më shumë informacion mund të gjendet në prezantimin këtu.

SHUKALB dëshiron të inkurajojë shoqëritë ujësjellës kanalizime në Shqipëri që të marrin pjesë në këtë iniciativë, duke u regjistruar paraprakisht në linkun e mëposhtëm: https://docs.google.com/forms/d/e/1FAIpQLScxQ7AglReGk5WeQV9qVRkaPip5xQuKKRnCpOKEMzb_mF0c8Q/viewform