Thirrja për Abstrakte është tashmë e hapur – Bashkëpunimi fqinjësor: Promovimi i paqes përmes menaxhimit ndërkufitar të ujit, Konferenca dhe Ekspozita e 12-të e Përbashkët Ballkanike

SHUKALB dhe SHUKOS kanë kënaqësinë t’ju ftojnë të merrni pjesë në Programin e Konferencës dhe Ekspozitës së 12-të të Përbashkët Ballkanike, e cila do të mbahet në 5 – 7 nëntor 2024, në Prishtinë, Kosovë.

Tema e Konferencës, “Bashkëpunimi fqinjësor: Promovimi i paqes përmes menaxhimit ndërkufitar të ujit“, është frymëzuar nga Dita Botërore e Ujit 2024 dhe thekson rolin kryesor që luan uji në nxitjen e paqes dhe stabilitetit. Ai tërheq vëmendjen mbi lidhjen komplekse midis ujit, paqes dhe zhvillimit të qëndrueshëm, duke vënë theksin në domosdoshmërinë e përpjekjeve kolektive për të trajtuar sfidat e ujit dhe për të kultivuar një botë më paqësore dhe më të qëndrueshme.

Bashkëpunimi ndërkufitar i ujit është i një rëndësie të veçantë kur bëhet fjalë për Ballkanin Perëndimor, duke pasur parasysh
tensionet dhe konfliktet historike. Tema është veçanërisht e rëndësishme në këto vende, ku konkurrenca mbi burimet e përbashkëta
ujore ndonjëherë i ka intensifikuar këto tensione. Duke u fokusuar në menaxhimin bashkëpunues të ujit, vendet tona mund të
ndërtojnë besim, të rrisin bashkëpunimin rajonal dhe të krijojnë korniza për zhvillim të qëndrueshëm, nga të cilat përfitojnë të gjitha
palët e përfshira.

Programi i Konferencës do t’ë mundësojë një diskutim të gjerë dhe shumëdimensional, duke përfshirë tema që variojnë nga aspektet politike dhe teknike deri te çështjet e menaxhimit brenda sektorit të ujit. Ai do të shërbejë si një platformë për pjesëmarrësit që të ndajnë njohuritë dhe përvojat e tyre në adresimin e sfidave të sektorit të ujit. Për më tepër, konferenca do të krijojë mundësi të vlefshme rrjetëzimi për profesionistët në sektorin e ujit të rajonit të Ballkanit.

Konferencat e Përbashkëta Ballkanike kanë ofruar vazhdimisht një program me cilësi të lartë, siç dëshmohet nga komentet pozitive nga pjesëmarrësit ndër vite. Konferenca përmban diskutime të ndryshme plenare dhe prezantime teknike të paraqitura nga profesionistë të nderuar nga vendet e Ballkanit Perëndimor dhe rajoni më i gjerë.

Ne ju inkurajojmë të rishikoni temat dhe çështjet kryesore përpara se të paraqisni një abstrakt për prezantim.

Për informacion të detajuar mbi temat kryesore të Konferencës, afatet kryesore, udhëzime mbi abstraktet, ju lutemi kontrolloni broshurën Thirrja për Abstrakte.

Për më shumë informacion rreth Programit të Konferencës, ju lutemi na kontaktoni në:

Programi i Konferencës:                 program@balkansjointconference.org
SHUKOS:                                       Tel: +383 38 600 873
SHUKALB:                                     Tel: +355 42 24 5101

SHUKALB dhe SHUKOS ju mirëpresin në Konferencen e Përbashkët për të ndarë interesin tonë të përbashkët për një mjedis ujor më të mirë në Rajonin e Ballkanit.