Afati për dorëzimin e një abstrakti në Konferencën dhe Ekspozitën e 12-të të Përbashkët Ballkanike po afron!

SHUKALB dhe SHUKOS  ju inkurajojnë të nxitoni dhe të dorëzoni abstraktet tuaja për Konferencën dhe Ekspozitën e 12-të të Përbashkët Ballkanike, e cila do të mbahet në 5 – 7 nëntor 2024, në Prishtinë, Kosovë.

Tema e Konferencës, “Bashkëpunimi fqinjësor: Promovimi i paqes përmes menaxhimit ndërkufitar të ujit“, është frymëzuar nga Dita Botërore e Ujit 2024 dhe thekson rolin kryesor që luan uji në nxitjen e paqes dhe stabilitetit. Ai tërheq vëmendjen mbi lidhjen komplekse midis ujit, paqes dhe zhvillimit të qëndrueshëm, duke vënë theksin në domosdoshmërinë e përpjekjeve kolektive për të trajtuar sfidat e ujit dhe për të kultivuar një botë më paqësore dhe më të qëndrueshme.

Programi i Konferencës do të mundësojë një diskutim të gjerë dhe shumëdimensional, duke përfshirë tema që variojnë nga aspektet politike dhe teknike deri te çështjet e menaxhimit të sektorit të ujit.

Për informacion më të detajuar, ju lutemi kontrolloni broshurën Thirrja për Abstrakte.

Afati i fundit për dorëzimin e abstrakteve është 15 Shtator 2024.

Për më shumë informacion rreth Programit të Konferencës, ju lutemi na kontaktoni në:

Arbana Kola (SHUKALB):                             Tel: +355 42 245 101; Mob: +355 69 58 39 139
Nadire Vitija (SHUKOS):                               Tel: +383 38 600 873; Mob: +383 44 182 497
E-mail:                                                           program@balkansjointconference.org
Web:                                                              www.balkansjointconference.org

SHUKALB dhe SHUKOS ju mirëpresin në Konferencen e Përbashkët për të ndarë interesin tonë të përbashkët për një mjedis ujor më të mirë në Rajonin e Ballkanit.