SHUKALB merr pjesë në Konferencën e Projektit CrossWater+ “Menaxhimi i Qëndrueshëm i Ujit. Sfidat dhe praktikat e mira në Shqipëri, Mal të Zi dhe Itali ”

Më 31 korrik 2024, në Tiranë, SHUKALB mori pjesë në Konferencën e Projektit CrossWater+ me titull “Menaxhimi i Qëndrueshëm i Ujit. Sfidat dhe praktikat e mira në Shqipëri, Mal të Zi dhe Itali”.

Konferenca u organizua nga Shoqëria Ujësjellës Kanalizime Tiranë (UKT) dhe mblodhi së bashku ekspertë nga Shqipëria, Mali i Zi dhe Italia për të diskutuar zgjidhje inovative për menaxhimin e burimeve ujore në rajonet tona. Eventi paraqiti prezantime mbi tema të ndryshme thelbësore, nga arritja e menaxhimit të qëndrueshëm të ujit deri te trajtimi i ujërave të ndotura dhe menaxhimi i burimeve ujore në kontekste kombëtare.

Në konferencë morën pjesë përfaqësues nga Bashkia Tiranë, UKT, Banka Botërore, Universiteti Politeknik i Tiranës, Acquedotto Pugliese, Ujësjellësi Rajonal i Bregdetit Malazez dhe Agjencia e Menaxhimit të Burimeve Ujore të Shqipërisë, Agjencia e Menaxhimit të Burimeve Ujore të Malit të Zi dhe SHUKALB.

SHUKALB u përfaqësua në konferencë nga Alban Kushi, Menaxher i Shërbimeve ndaj Anëtarëve, i cili mbajti prezantimin me titull “Përpjekjet e SHUKALB për Zhvillimin e Kapaciteteve: Hapja e Rrugës drejt një fuqie punëtore profesionale dhe të kualifikuar të sektorit të ujit në Shqipëri”. Në prezantimin e tij, z. Kushi nënvizoi nevojën për zhvillimin e kapaciteteve në sektorin e ujit në Shqipëri, duke theksuar programet e mëparshme dhe në vazhdim si Programi Kombëtar i Trajnimit dhe Certifikimit Bazuar në Testim, Programi i Trajnimit të SHUKALB, nismat e përbashkëta me SHUKOS, Programet D-LeaP dhe dhe programet e RCDN të zhvillimit të kapaciteteve.

Prezantimi eksploroi sfidat dhe mundësitë në sigurimin e zhvillimit të vazhdueshëm profesional për stafin e shoqërive ujësjellës kanalizime. Fokus kryesor ishte nevoja për të krijuar stimuj dhe mekanizma monitorues për shoqëritë UK për të buxhetuar për trajnimin e vazhdueshëm të stafit. Krijimi i Programit Kombëtar të Trajnimit dhe Certifikimit mbetet një prioritet kryesor për SHUKALB, pasi ky program është integral për sigurimin e një fuqie punëtore të kualifikuar, e aftë për të nxitur progresin në sektorin e ujit në Shqipëri.

Kjo konferencë ishte jo vetëm një mundësi për të ndarë progresin e SHUKALB, por edhe për të mësuar nga shembujt ndërkombëtarë dhe për të bashkëpunuar në nismat e ardhshme. Ekspertiza kolektive e pranishme në këtë event bëri të qartë se duke punuar së bashku, ne mund të gjejmë zgjidhje novatore dhe të qëndrueshme për sfidat me të cilat përballemi në menaxhimin e ujit.