SHUKALB nis me sukses workshopin e parë të Programit të D-LeaP Akses në Financim

Në datat 30–31 janar 2025, SHUKALB nisi me sukses nisi me sukses workshopin e parë të Programit të D-LeaP Akses në Financim, duke shënuar një hap të rëndësishëm drejt forcimit të aftësive të menaxhimit financiar në sektorin e ujësjellës kanalizimeve. Aktiviteti mblodhi së bashku përfaqësues nga Shoqëritë Rajonale Ujësjellës Kanalizime Sarandë, Berat, Gjirokastër, Shkodër, Elbasan dhe Vlorë, së bashku me përfaqësues nga Enti Rregullator i Ujit (ERRU) dhe Agjencia Kombëtare e Ujësjellës Kanalizimeve (AKUK). Ky program mbështetet nga Partneriteti i Danubit (D-LeaP) dhe projekti RCDN+

Programi është krijuar për të fuqizuar pjesëmarrësit me njohuritë dhe mjetet e nevojshme për të arritur qëndrueshmërinë financiare dhe për të mbështetur vendimmarrësit në marrjen e vendimeve të informuara financiare për ofrimin e përmirësuar të shërbimeve të ujit.

Pikat kryesore të workshopit

Workshopi u drejtua nga trajneret e nderuara Monika Vejseli, Valbona Paja dhe Ariola Korreshi. Gjatë gjithë përgatitjes dhe realizimit të trajnimit, SHUKALB dhe trajnerët morën mbështetje të vlefshme nga partneri teknik IAWD.

Pjesëmarrësit u angazhuan me një sërë temash kritike, duke përfshirë:

• Hyrje në Financën e Shërbimeve të Ujit
• Aspekte unike të shërbimeve të ujit
• Kuptimi i pasqyrave financiare të shoqërive UK
• Performanca operative dhe financiare e shoqërive UK
• Konceptet financiare për vendimet për investime dhe financim
• Analiza Financiare dhe Ekonomike

Përveç prezantimeve, pjesëmarrësit morën pjesë në ushtrime interaktive në grup dhe iu caktuan detyra shtëpie praktike për të përforcuar të mësuarit e tyre dhe për të zbatuar konceptet në skenarë real.

Një hap drejt shërbimeve të qëndrueshme të ujit

Ky workshop shënon një hap të rëndësishëm në përpjekjet e SHUKALB për të ndërtuar kapacitetin e menaxhimit financiar të ofruesve të shërbimeve të ujit. Duke i pajisur pjesëmarrësit me aftësitë për të marrë vendime të informuara financiare, programi kontribuon në qëndrueshmërinë dhe efiçencen afatgjatë të shërbimeve të ujit në Shqipëri.

Ne shprehim mirënjohjen tonë ndaj D-LeaP dhe projektit RCDN+ për mbështetjen e tyre financiare, si dhe për trajnerët dhe pjesëmarrësit për angazhimin dhe përkushtimin e tyre aktiv në përmirësimin e ofrimit të shërbimeve të ujit.