SDSLeaD – Smart Decision Support and Leakage Detection

Periudha e zbatimit: 10/2025 – 10/2027

Përmbledhje e Projektit

Projekti SDSLeaD (Smart Decision Support and Leakage Detection) synon të adresojë humbjet e ujit dhe nivelin e lartë të Ujit Pa të Ardhura (Non-Revenue Water – NRW) në zonën ndërkufitare mes Greqisë dhe Shqipërisë. Rajoni përballet me presion të shtuar mbi burimet ujore për shkak të mbishfrytëzimit, ndotjes, infrastrukturës së amortizuar dhe ndikimeve të ndryshimeve klimatike.

Qëllimi kryesor i projektit është optimizimi i përdorimit të ujit përmes reduktimit të humbjeve në sistemet e furnizimit me ujë, duke garantuar furnizim të qëndrueshëm dhe ujë të pijshëm cilësor për komunitetet.

Në kuadër të projektit do të zhvillohet dhe pilotohet një Sistem i Avancuar i Mbështetjes së Vendimmarrjes (DSS), i cili integron:

• Sensorë IoT dhe pajisje monitorimi në kohë reale
• Të dhëna SCADA dhe modele hidraulike
• Modele matematikore dhe “digital twins”
• Analiza parashikuese për zbulimin e hershëm të rrjedhjeve

Ky sistem do t’u mundësojë shoqërive të ujësjellës-kanalizimeve të identifikojnë dhe adresojnë rrjedhjet në mënyrë më të shpejtë dhe të saktë, duke reduktuar humbjet e ujit dhe energjisë, kostot operative dhe ndikimin mjedisor.

Zbatimi Pilot

Sistemi DSS do të pilotohet në:

• Kozani, Greqi
• Korçë, Shqipëri

Në zonat pilot do të instalohen data logger, matësa inteligjentë, sensorë presioni dhe pajisje për monitorimin e prurjeve në kohë reale.

Rezultatet e Pritshme

Projekti pritet të sjellë:

• Një Sistem funksional dhe të testuar të Mbështetjes së Vendimmarrjes (DSS) për menaxhim parashikues dhe në kohë reale të rrjedhjeve
• Vendosjen e pajisjeve inteligjente të monitorimit në zonat pilot
• Një bazë të përbashkët njohurish me manuale teknike, metodologji dhe mjete digjitale të ripërdorshme
• Materiale trajnimi, workshope dhe programe të strukturuara për ngritjen e kapaciteteve të stafit teknik
• Një plan veprimi të përbashkët dhe rekomandime politike për të siguruar qëndrueshmërinë institucionale
• Aktivitete komunikimi dhe ndërgjegjësimi për aktorët e sektorit

Roli i SHUKALB

Si partner i projektit, SHUKALB do të:

• Hartojë materiale trajnimi dhe organizojë aktivitete për ngritjen e kapaciteteve të shoqërive UK dhe aktorëve të tjerë të sektorit
• Mbështesë mbledhjen dhe analizën e të dhënave për vlerësimin fillestar të humbjeve të ujit
• Shpërndajë rezultatet e projektit përmes rrjetit kombëtar të shoqërive UK në Shqipëri
• Kontribuojë në hartimin e planit të përbashkët të veprimit dhe rekomandimeve politike
• Integrojë praktikat më të mira të projektit në programet ekzistuese të trajnimit të SHUKALB, për të garantuar vazhdimësinë dhe qëndrueshmërinë pas përfundimit të projektit

Kuadri i Projektit

SDSLeaD financohet në kuadër të Programit të Bashkëpunimit Ndërkufitar Interreg VI-A IPA Greece–Albania.

Buxheti Total: 820.684,80€
Financimi i BE-së
656.547,84€

Partnerët e Projektit:

• Kompania e Ujësjellësit dhe Kanalizimeve të Bashkisë Kozan (Partneri kryesor)
• Sekretariati i Përgjithshëm i Mjedisit Natyror dhe Ujit, Greqi
• Shoqata Ujësjellës Kanalizime e Shqipërisë (SHUKALB)
• Shoqëria Rajonale Ujësjellës Kanalizime Korçë

Përputhshmëria me Politikat Evropiane

Projekti kontribuon në zbatimin e EU Drinking Water Directive, EU Water Framework Directive, mbështet objektivat e European Green Deal dhe kontribuon në arritjen e Sustainable Development Goal 6, duke promovuar ujë të pastër përmes inovacionit, digjitalizimit dhe bashkëpunimit ndërkufitar.

Posteri i Projektit: LINKU