SHUKALB merr pjesë në Takimin e Bordit Këshillimor të RCDN+ dhe Workshopin e Avokimit

Në mars, SHUKALB mori pjesë aktive në takimin e tretë të Bordit Këshillimor të Projektit Rrjeti Rajonal i Zhvillimit të Kapaciteteve për Shërbimet e Ujit dhe Kanalizimeve (RCDN+) në Shkup, Maqedoni. Takimi, i mbajtur më 2 mars 2026, ofroi një platformë për partnerët për të reflektuar mbi tre vitet e arritjeve, për të diskutuar sfidat dhe për të përcaktuar prioritetet për fazën e ardhshme të projektit.

SHUKALB u përfaqësua nga Elisabeta Poçi, Drejtore Ekzekutive; Olta Alla, Menaxhere e Programeve dhe Koordinatore e Trajnimeve; si dhe Evis Gjebrea, Zëvendës Drejtore e Përgjithshme e Shoqërisë Ujësjellës Kanalizime Tiranë, e cila mori pjesë në cilësinë e saj si anëtare e Bordit të SHUKALB.

Gjatë takimit, pjesëmarrësit shqyrtuan progresin e zbatimit të projektit RCDN+, duke u përqendruar në arritjet kryesore, si forcimi i shoqatave, përmirësimi i programeve të trajnimit dhe dialogu aktiv mbi politikat në rajon. Diskutimet trajtuan gjithashtu rrugën e qëndrueshme përpara për fazën e dytë të projektit, duke përfshirë konsolidimin e rezultateve dhe planifikimin e qasjeve të zbatimit në nivel kombëtar dhe rajonal.

Të nesërmen, më 3 mars 2026, përfaqësuesit e SHUKALB morën pjesë në një workshop mbi aftësitë negociuese në avokim, që synonte rritjen e kapaciteteve të shoqatave partnere për të aplikuar në mënyrë strategjike teknikat e negociimit në përpjekjet e tyre të avokimit dhe lobimit. Workshopi, i udhëhequr nga ekspertë të Deloitte, mbuloi bazat e negociatave, analizën e palëve të interesit, mjetet praktike të negociimit, strategjitë e menaxhimit të konflikteve dhe simulime praktike të dizenjuara për të përgatitur pjesëmarrësit për skenarë realë të politikave dhe avokimit.

Pjesëmarrja e SHUKALB në këto evente thekson rolin proaktiv të shoqatës në avancimin e bashkëpunimit rajonal, forcimin e kapaciteteve të aktorëve të sektorit ujësjellës kanalizime, si dhe promovimin e praktikave të qëndrueshme që mbështesin ujë më të pastër, shërbime publike më të qëndrueshm dhe komunitete më të shëndetshme në të gjithë Ballkanin Perëndimor.