MENAXHIMI I PERFORMANCËS NËPËRMJET BENCHMARKING

REGJISTROHUNI TANI

Përshkrimi i kursit

Një ndër sfidat kryesore me të cilën përballen sot shoqëritë ujësjellës kanalizime është ajo e përmirësimit të performancës. Kursi synon ndërgjegjësimin  e  pjesmarrësve për ta përdorur benchmarking para së gjithash si një mjet të brendshëm të përmirësimit të performancës. Kursi do të trajtojë çështje të cilat  kanë  të  bëjnë me programin e përmirësimit të performancës, parakushtet për një proces të suksesshëm benchmarking, ndërlidhjen e aktiviteteve të benchmarking me objektivat strategjikë, grumbullimin dhe vlerësimin e të dhënave si dhe identifikimin dhe përzgjedhjen e aktiviteteve parësore për përmirësimin e performancës. Pjesëmarrësit do të pajisen me njohuritë dhe aftësitë e nevojshme për të përdorur informacionin e grumbulluar dhe përpunuar gjatë procesit të benchmarking për përmirësimin e performancës së shoqërisë së tyre.

Kush duhet të marrë pjesë

Ky kurs është hartuar për profesionistët e shoqërive ujësjellës kanalizime dhe është veçanërisht i vlefshëm për menaxherët kryesorë dhe specialistët e raportimit.

Objektivat e kursit të trajnimit

Në fund të këtij kursi trajnimi, ju do të jeni të aftë të:

• Kuptoni çështjet që duhet të shqyrtohen gjatë kalimit nga objektivat  strategjike në përmirësimin e performancës;
• Hartoni një program të plotë planesh veprimi për përmirësimin e performancës;
• Kuptoni rëndësinë e benchmarking si një mjet për përmirësimin e performancës;
• Kuptoni rëndësinë e ndërlidhjes së aktiviteteve të benchmarking me objektivat strategjik;
• Shpjegoni rëndësinë e vlerësimit të performancës;
• Dalloni cilësinë e informacionit gjatë fazës së mbledhjes së të dhënave;
• Kuptoni domosdoshmërinë e verifikimit të të dhënave;
• Kuptoni rëndësinë e kryerjes së një analize të brendshme;
• Analizoni prirjen për indikatorë të caktuar;
• Identifikoni aktivitetet për përmirësimit e performancës;
• Përzgjidhni aktivitetet parësore  për përmirësimin e performancës.

Metoda e trajnimit

Trajnimi është i bazuar në leksione të prezantuara në PowerPoint, të ndërthurura me diskutime dhe raste studimore. Përveç marrjes së leksioneve dhe diskutimeve, pjesëmarrësit do të analizojnë edhe raste konkrete studimore.

Materialet e kursit të trajnimit

Pjesëmarrësit në këtë kurs trajnimi, do të pajisen me Manualin e Trajnimit “Manaxhimi i Performancës nëpërmjet Benchmarking”. Përpos kësaj, pjesëmarrësit do të pajisen me certificatë.

Tarifa e regjistrimit

Anëtarët e SHUKALB/SHUKOS: 22,000 lekë për person

Jo-anëtarët: 25,000 lekë për person.

Kjo tarifë përfshin materialet e kursit, drekat, dhe pushimet për kafe.

SHKARKONI BROSHURËN